প্ৰশ্নৱলী

ভাব-বিষয়ক :

১। অতি চমু উত্তৰ দিয়া :

(ক) প্রাগৈতিহাসিক যুগত যিসকল ভাৰতীয় লোক পৰ্বতৰ গুহা বা গছৰ ধোন্দত বাস কৰিছিল তেওঁলোকক কি বোলা হৈছিল?
উত্তৰ : তেওঁলোকক আদিম অধিবাসী বোলা হৈছিল।

(খ) বুদ্ধদেৱৰ আচল নাম কি?
উত্তৰ : বুদ্ধদেৱৰ আচল নাম আছিল সিদ্ধাৰ্থ।

(গ) মহাভাৰত আৰু অষ্টাদশ পুৰাণ প্ৰণেতা কোন?
উত্তৰ : মহাভাৰত আৰু অষ্টাদশ পুৰাণৰ প্ৰণেতা মহর্ষি বেদব্যাস।

(ঘ) কুশান বংশৰ শ্ৰেষ্ঠ ৰজাজনৰ নাম কি?
উত্তৰ : কুশান বংশৰ শ্ৰেষ্ঠ ৰজা আছিল কনিষ্ক।

(ঙ) জৈন ধৰ্মৰ প্ৰৱৰ্তক কোন?
উত্তৰ : জৈন ধৰ্মৰ প্ৰৱৰ্তক মহাবীৰ।

২। কি কি বিষয়ত ভাৰতবৰ্ষৰ বিচিত্ৰতা লক্ষ্য কৰিব পাৰি পাঠৰ সহায়ত লিখা।
উত্তৰ : ভৌগোলিক অৱস্থান, জাতি-ধৰ্ম, ভাষা-সংস্কৃতি, খাদ্যাভ্যাস, সাজ-পাৰ, ধৰ্মীয় আচার-অনুষ্ঠান আদি বিষয়ত ভাৰতবৰ্ষৰ বিচিত্ৰতা দেখা যায়।

৩। ভাৰতবৰ্ষৰ ভৌগোলিক অৱস্থান কি কাৰণে বৈচিত্ৰ্যপূৰ্ণ বুলি কোৱা হৈছে লিখা।
উত্তৰ : ভাৰতৰ উত্তৰত পৰ্বতমালা, দক্ষিণত সাগৰ, সমতল ভূমি, মালভূমি, দ্বীপমালা, নদী, হদ-জলাশয় আদি বিদ্যমান। জলবায়ুতো বৈচিত্ৰ্যপূৰ্ণ—শীত, উষ্ণতা, মৰুভূমি আৰু মৌচুমী বৰষুণ সকলো ঠাইতে একে নহয়। এই কাৰণেই ভৌগোলিক অৱস্থান বৈচিত্ৰ্যপূৰ্ণ বুলি কোৱা হয়।

৪। আৰ্যসকল ভাৰতলৈ অহাৰ পাছত পৃথিৱীৰ বিভিন্ন ঠাইৰ পৰা ইয়ালৈ অহা মানুহৰ সোঁতৰ বিষয়ে চমুকৈ বৰ্ণনা কৰা।
উত্তৰ : আৰ্যসকলৰ পাছত শক, কুশান, পাঠান, মোগল, পৰ্তুগীজ, ইংৰাজ, ফৰাচী আদি বিদেশী জাতি আহি ভাৰতত বসতি স্থাপন কৰিছিল। তেওঁলোকৰ বহুতে নিজৰ সংস্কৃতিৰ কিছু অংশ লৈ আহিছিল আৰু ভাৰতীয় সংস্কৃতিৰ সৈতে মিলি গই এক সমন্বয় গঢ়িছিল।

৫। ভাৰতৰ বিভিন্ন অঞ্চলৰ মানুহৰ মাজত থকা খাদ্য প্ৰকৰণৰ বিষয়ে লিখা।
উত্তৰ : পূব আৰু দক্ষিণ ভাৰতত ভাত মুখ্য খাদ্য। উত্তৰ, পশ্চিম আৰু মধ্য ভাৰতত ৰুটি মুখ্য আহাৰ। পূব ভাৰতীয়সকলে মাছ-মাংস খায়, কিন্তু উত্তৰ আৰু পশ্চিম ভাৰতত উচ্চ হিন্দুৱে সাধাৰণতে মাছ-মাংস নখায়।

৬। ভাৰতৰ বিভিন্ন ঠাইৰ মানুহৰ সাজ-পাৰৰ বিষয়ে পাঠত উল্লেখ থকাৰ দৰে চমুকৈ বৰ্ণনা কৰা।
উত্তৰ : পূব ভাৰতত মানুহে পোন্ধ মাৰে, দক্ষিণত লুঙীৰ দৰে চুৰীয়া পিন্ধে, উত্তৰত পায়জামা প্ৰচলিত। তিৰোতাৰ মুখ্য সাজ শাৰী, অসমীয়া তিৰোতাই মেখেলা-চাদৰ, উত্তৰত চুড়িদাৰ আৰু পায়জমা। বৰ্তমানত লংপেণ্ট আৰু আধুনিক সাজো-পাৰো ব্যাপকভাবে প্ৰচলিত।

৭। আৰ্য্যসকলৰ পাছত ভাৰতবৰ্ষলৈ অহা দুটা বিদেশী জাতিৰ পৰিচয় দিয়া।
উত্তৰ : আৰ্যসকলৰ পাছত শক আৰু মোগল জাতি ভাৰতলৈ আহিছিল। শকসকলে প্ৰাচীন কালতে ভাৰতত প্ৰৱেশ কৰি বসতি স্থাপন কৰিছিল। মোগলসকলে মধ্যযুগত শক্তিশালী সাম্ৰাজ্য স্থাপন কৰি ভাৰতীয় সংস্কৃতিত গভীৰ প্ৰভাৱ পেলাইছিল।

৮। “যিবোৰে বিভিন্ন দিশত ভাৰতৰ বৈচিত্ৰ্য আনিছে সেইবোৰেই আকৌ স্থান বিশেষে এঁক্যৰ সেতু নিৰ্মাণ কৰি দিছে।” — এই কথাষাৰৰ মাজেদি কি বুজাবলৈ চেষ্টা কৰা হৈছে চমুকৈ লিখা।
উত্তৰ : ভিন্ন ভাষা, ধৰ্ম, সাজ-পাৰ, খাদ্যাভ্যাস আদি থাকিলেও এইবোৰে একে সংস্কৃতিৰ মাজত মিলন ঘটাইছে। উদাহৰণ স্বৰূপে অসমত ভিন্ন ধৰ্মাৱলম্বী থাকিলেও অসমীয়া ভাষাই সকলোকে একত্ৰিত কৰিছে।

৯। “এক্য স্থাপনৰ ক্ষেত্ৰত সুকুমাৰ কলা আৰু সংস্কৃতিৰ বৰঙণিও উলাই কৰিব নোৱাৰি।” — এই কথাষাৰৰ যুক্তিযুক্ততা চমুকৈ বিশ্লেষণ কৰা।
উত্তৰ : সংগীত, নৃত্য, চিত্ৰকলা, স্থাপত্য, উৎসৱ-পাৰ্বণ আদি সুকুমাৰ কলা সাংস্কৃতিক মিলৰ সেতু। ই ভিন্ন অঞ্চলৰ মানুহক এক কৰি ৰাখিছে। সেয়ে এক্য স্থাপনত সুকুমাৰ কলা বিশেষ গুৰুত্বপূৰ্ণ।

১০। “ভাৰতীয় সংস্কৃতি এক সমন্বয়ৰ বস্তু।” — তাৎপৰ্য ব্যাখ্যা কৰা।
উত্তৰ : বিদেশী জাতিসকলৰ সংস্কৃতি ভাৰতীয় প্ৰবাহত মিশি গৈ এক সমন্বিত সংস্কৃতি গঢ়িছে। শক, কুশান, মোগল, ইংৰাজ আদি জাতিৰ প্ৰভাৱত ভাৰতীয় সংস্কৃতি বেছি সমৃদ্ধ হৈছে। এই সমন্বয়েই ভাৰতীয় সংস্কৃতিৰ বিশেষ বৈশিষ্ট্য।

১১। চমু উত্তৰ লিখা :

(ক) কোনবোৰ লোক মংগোলীয় গোষ্ঠীৰ।
উত্তৰ : নাগা, বড়ো, মিছিং, কাৰ্বি, গাৰো আদি মংগোলীয় গোষ্ঠীৰ অন্তৰ্গত।

(খ) সুকুমাৰ কলা কোনবিলাক?
উত্তৰ : সংগীত, নৃত্য, চিত্ৰকলা, স্থাপত্য আৰু ভাস্কৰ্য্য সুকুমাৰ কলা।

(গ) কি কি গ্ৰন্থই প্রাচীন কালৰেপৰাই ভাৰতবাসীৰ চিন্তাধাৰা আৰু আদৰ্শৰ ক্ষেত্ৰত এক্যভাব গঢ়াত সহায় কৰিছে?
উত্তৰ : বেদ, উপনিষদ, গীতা, ভাগৱত, ৰামায়ণ আৰু মহাভাৰত প্রাচীনকালৰেপৰাই ভাৰতবাসীক এক্যৰ পথ দেখাইছে।

১২। কি কি পাৰ্থক্য থকা সত্বেও ভাৰতীয় লোকসকলৰ মাজত এটি সামূহিক মিল আছে?
উত্তৰ : ভাষাগত, ধৰ্মীয় আৰু অঞ্চলগত পাৰ্থক্য থাকিলেও সাংস্কৃতিক মিলই সকলো ভারতীয়ক এক কৰি ৰাখিছে। উৎসৱ, কলা, সাহিত্য আৰু একে ইতিহাসৰ গৰ্বই একতাৰ মূল আধাৰ।

১৩। উত্তৰ ভাৰতৰ তিৰোতাসকলে সাধাৰণতে কেনে ধৰণৰ পোছাক পৰিধান কৰে তাৰ এটি বৰ্ণনা দিয়া।
উত্তৰ : উত্তৰ ভাৰতৰ তিৰোতাসকলে সাধাৰণতে চুড়িদাৰ, পায়জমা আৰু লম্বা কুৰ্তা পিন্ধে। শাৰীও উৎসৱ-পাৰ্বণত বহুল প্ৰচলিত। বৰ্তমানত আধুনিক সাজো-পাৰো তেওঁলোকৰ মাজত জনপ্রিয়।

১৪। চমুটোকা লিখা :

(ক) সুকুমাৰ কলা : সংগীত, নৃত্য, চিত্ৰকলা, স্থাপত্য।
(খ) সংগীত : গীত, বাদ্য আৰু নৃত্যৰ সমাহাৰ।
(গ) কুশান : প্ৰাচীন যাযাবৰ জাতি। কনিষ্ক তেওঁলোকৰ শ্ৰেষ্ঠ ৰজা।
(ঘ) ব্যাস : মহাভাৰত আৰু বহু পুৰাণৰ প্ৰণেতা।
(ঙ) মক্কা : ইছলাম ধৰ্মপ্ৰবর্তক হজৰত মহম্মদৰ জন্মস্থান।
(চ) বশিষ্ঠ : সূৰ্যবংশৰ কুলপুৰোহিত খষি।

১৫। “ভাৰতবৰ্ষ এখন অতি সুসভ্য এতিহ্যপূৰ্ণ দেশ।” — কথাষাৰ বহলাই লিখা।
উত্তৰ : প্ৰাচীনকালতে ভাৰত দৰ্শন, বিজ্ঞান, সাহিত্য, কলা আদি ক্ষেত্ৰত অগ্ৰগতি সাধিছিল। বহুত বিদেশী জাতি আহি ইয়াত মিলি গৈ এক সুসভ্য ইতিহাস গঢ়িছিল। বেদ, উপনিষদ, মহাভাৰত, ৰামায়ণ আদি গ্ৰন্থই ইয়াৰ গৌৰৱ বৃদ্ধি কৰিছে। সেয়ে ভাৰতবৰ্ষ এখন অতি সুসভ্য আৰু এতিহ্যপূৰ্ণ দেশ।

১৬। তোমাৰ দৈনন্দিন খাদ্যসম্ভাৰত বাহিৰৰ কোন কোন মানৱজাতিৰ খাদ্যাভ্যাস পোৱা যায় চমুকৈ লিখা।
উত্তৰ : ৰুটি খোৱাৰ অভ্যাস উত্তৰ-পশ্চিমৰ প্ৰভাৱ। চাহ খাবৰ অভ্যাস ইংৰাজৰ প্ৰভাৱ। নুডলছ আৰু চাইনিজ খাবাৰ খোৱাৰ অভ্যাস মংগোলীয় জাতিৰ প্ৰভাৱ।

ভাষা-বিষয়ক

১৭। তলৰ শব্দবোৰৰ সন্ধি ভাঙা :

• অনুষ্ঠান = অনু + ষ্ঠান
• জনাকীৰ্ণ = জন + আকীৰ্ণ
• স্বাধীন = স্ব + আধিন
• জন্মাষ্টমী = জন্ম + অষ্টমী

১৮। তলৰ শব্দবোৰৰ প্ৰত্যয় নিৰ্ণয় কৰা :

• শাৰীৰিক → -ইক
• সামাজিক → -ইক
• সুকীয়া → -ইয়া
• ভৌগোলিক → -ইক
• ফুলনি → -নি
• ভাৰতীয় → -ইয়
• ফুলাম → -আম
• অৱিনাশী → -ই
• বাল্মীকি → -কি

১৯। প্ৰত্যেকৰে এটা বা দুটাকৈ সমাৰ্থক শব্দ লিখা :

• হেতু = কাৰণ
• পৃথিৱী = ধৰণী, ভুবন
• গ্ৰন্থ = পুথি, কিতাপ
• মাতা = আই

২০। বিপৰীত শব্দ লিখা :

• পাৰ্থক্য ↔ একতা
• ত্যাগ ↔ আসক্তি
• বৈচিত্ৰ্য ↔ একঘেয়েমি
• প্রাচীন ↔ আধুনিক