আৰ্হি প্ৰশ্ন

(ক) অতি চমু প্ৰশ্ন (প্ৰতিটো প্ৰশ্নৰ মূল্যাংক- ১)

১। জ্যোতিপ্ৰসাদ আগৰৱালাৰ ‘জয়মতী’ কথাছবিৰ কাহিনীৰ উৎস কি?
উত্তৰ: জ্যোতিপ্ৰসাদ আগৰৱালাৰ ‘জয়মতী’ কথাছবিৰ কাহিনীৰ উৎস হৈছে সাহিত্যৰথী লক্ষ্মীনাথ বেজবৰুৱাৰ নাটক ‘জয়মতী কুঁৱৰী’।

২। জ্যোতিপ্ৰসাদ আগৰৱালাই কোনখন দেশত চলচ্চিত্ৰ নিৰ্মাণৰ প্ৰশিক্ষণ লৈছিল?
উত্তৰ: জ্যোতিপ্ৰসাদ আগৰৱালাই জাৰ্মানীত চলচ্চিত্ৰ নিৰ্মাণৰ প্ৰশিক্ষণ লৈছিল।

৩। ‘চিত্ৰবন’ স্টুডিঅ’ কোনে নিৰ্মাণ কৰিছিল?
উত্তৰ: ‘চিত্ৰবন’ স্টুডিঅ’ জ্যোতিপ্ৰসাদ আগৰৱালাই তেজপুৰৰ ওচৰৰ ভোলাগুৰি চাহ বাগিচাত নিৰ্মাণ কৰিছিল।

৪। লক্ষ্যধৰ চৌধুৰীয়ে পৰিচালনা কৰা ছবিখনৰ নাম লিখা।
উত্তৰ: লক্ষ্যধৰ চৌধুৰীয়ে পৰিচালনা কৰা ছবিখনৰ নাম হৈছে ‘নিমিলা অংক’।

৫। লতা মংগেছকাৰে গীতত কণ্ঠদান কৰা অসমীয়া কথাছবি এখনৰ নাম লিখা।
উত্তৰ: লতা মংগেছকাৰে গীতত কণ্ঠদান কৰা অসমীয়া কথাছবি এখনৰ নাম হৈছে ‘এৰা বাটৰ সুৰ’।

(খ) চমু প্ৰশ্ন। (প্ৰতিটো প্ৰশ্নৰ মূল্যাংক – ২ অথবা ৩)

১। জ্যোতিপ্ৰসাদ আগৰৱালাই নিৰ্মাণ কৰা কথাছবি দুখনৰ নাম লিখা।
উত্তৰ: জ্যোতিপ্ৰসাদ আগৰৱালাই নিৰ্মাণ কৰা কথাছবি দুখন হ’ল:

• ‘জয়মতী’ (১৯৩৫)
• ‘ইন্দ্ৰমালতী’ (১৯৩৯)

২। এই কথাছবিকেইখনৰ পৰিচালকৰ নাম লিখা — ‘এৰা বাটৰ সুৰ’, ‘ডাঃ বেজবৰুৱা’, ‘গঙা চিলনীৰ পাখি’।
উত্তৰ:

• ‘এৰা বাটৰ সুৰ’: ভূপেন হাজৰিকা
• ‘ডাঃ বেজবৰুৱা’: ব্ৰজেন বৰুৱা
• ‘গঙা চিলনীৰ পাখি’: পদুম বৰুৱা

৩। ভৱেন্দ্ৰ নাথ শইকীয়াই পৰিচালনা কৰা তিনিখন কথাছবিৰ নাম লিখা।
উত্তৰ: ভৱেন্দ্ৰ নাথ শইকীয়াই পৰিচালনা কৰা তিনিখন কথাছবি হ’ল: ‘সন্ধ্যাৰাগ’, ‘অনিৰ্বাণ’ আৰু ‘অগ্নিস্নান’।

৪। ‘জয়মতী’, ‘চিৰাজ’, ‘সতী বেউলা’ এই কথাছবিকেইখনৰ সংগীত পৰিচালককেইজনৰ নাম লিখা।
উত্তৰ:

• ‘জয়মতী’: জ্যোতিপ্ৰসাদ আগৰৱালা
• ‘চিৰাজ’: বিষ্ণুপ্ৰসাদ ৰাভা
• ‘সতী বেউলা’: ভূপেন হাজৰিকা

৫। অসম চৰকাৰে অসমীয়া চিনেমা-শিল্পৰ বিকাশত কি ভূমিকা পালন কৰিছে?
উত্তৰ: অসম চৰকাৰে অসমীয়া চিনেমা-শিল্পৰ বিকাশত গুৰুত্বপূৰ্ণ ভূমিকা পালন কৰিছে। চৰকাৰে জ্যোতিপ্ৰসাদ আগৰৱালাৰ স্মৃতিত ‘জ্যোতিচিত্ৰবন ছোছাইটি’ নামৰ ষ্টুডিঅ’ কমপ্লেক্স নিৰ্মাণ কৰিছে। ছবি প্ৰযোজনাত সহায় কৰিবলৈ ‘অসম ৰাজ্যিক চলচ্চিত্ৰ বিত্ত আৰু উন্নয়ন নিগম’ গঠন কৰা হৈছে। ইয়াৰ উপৰিও, চৰকাৰে চলচ্চিত্ৰ সংগ্ৰহালয় আৰু আর্কাইভো স্থাপন কৰিছে।

(গ) দীঘল প্ৰশ্ন। (প্ৰতিটো প্ৰশ্নৰ মূল্যাংক – ৪ অথবা ৫)

১। অসমীয়া চলচ্চিত্র শিল্পলৈ জ্যোতিপ্রসাদ আগৰৱালাৰ অৱদান সম্পর্কে আলোচনা কৰা।
উত্তৰ: অসমীয়া চলচ্চিত্ৰ শিল্পলৈ জ্যোতিপ্ৰসাদ আগৰৱালাৰ অৱদান অতুলনীয়। তেওঁ জাৰ্মানীত চলচ্চিত্ৰ নিৰ্মাণৰ প্ৰশিক্ষণ লৈ অসমলৈ উভতি আহে আৰু ১৯৩৫ চনত প্ৰথম অসমীয়া কথাছবি ‘জয়মতী’ নিৰ্মাণ কৰে। তেওঁৰ নিজৰ কাহিনীৰে ‘ইন্দ্ৰমালতী’ নামৰ ছবিখনো প্ৰযোজনা আৰু পৰিচালনা কৰিছিল। ‘জয়মতী’ত অসমৰ অতীত গৌৰৱ আৰু ‘ইন্দ্ৰমালতী’ত স্বাধীনতা আন্দোলনৰ ছবি প্ৰদৰ্শন কৰিছিল। তেওঁ তেজপুৰৰ ওচৰত ‘চিত্ৰবন’ নামেৰে এক ষ্টুডিঅ’ও নিৰ্মাণ কৰিছিল। এনেদৰে জ্যোতিপ্ৰসাদে ব্যক্তিগতভাৱে সকলো অসুবিধাৰ মাজতো অসমীয়া চলচ্চিত্ৰক এক নতুন দিশ দিছিল, যাৰ বাবে তেওঁক অসমীয়া চলচ্চিত্ৰৰ জনক বুলি কোৱা হয়।

২। অসমীয়া চলচ্চিত্র শিল্পলৈ ভূপেন হাজৰিকাৰ অৱদান সম্পর্কে আলোচনা কৰা।
উত্তৰ: অসমীয়া চলচ্চিত্ৰ শিল্পলৈ ড° ভূপেন হাজৰিকাৰ অৱদান অপৰিসীম। তেওঁ সংগীত পৰিচালক, পৰিচালক আৰু গায়ক হিচাপে চলচ্চিত্ৰত সেৱা আগবঢ়াইছিল। তেওঁৰ ‘এৰা বাটৰ সুৰ’ (১৯৫৬) ছবিখনে অসমৰ মাটিৰ সুৰৰ ওপৰত আধাৰিত আছিল। তেওঁ অসমীয়া ছবিৰ বজাৰ বঢ়োৱাৰ ক্ষেত্ৰত সদায়ে সচেতন আছিল। সেই উদ্দেশ্যেই তেওঁ এখন খাচি লোককথাৰ ভেটিত ‘প্ৰতিধ্বনি’ (১৯৬৫) নিৰ্মাণ কৰিছিল আৰু তাক খাচি ভাষালৈ ডাব কৰি বাণিজ্যিকভাৱে মুক্তি দিছিল। ইয়াৰ উপৰিও তেওঁ হিন্দী ছবি ‘তকদীৰ’ অসমীয়ালৈ ডাব কৰাত আগভাগ লৈছিল আৰু ৰাজশ্ৰী প্ৰডাকচনৰ সৈতে যৌথভাৱে ‘চিকমিক বিজুলী’ নিৰ্মাণ কৰিছিল। ভূপেন হাজৰিকাই তেওঁৰ ‘চামেলি মেমচাব’ ছবিৰ সংগীত পৰিচালনাৰ বাবে ৰাষ্ট্ৰীয় বঁটাও লাভ কৰিছিল।

৩। ভবেন্দ্র নাথ শইকীয়া আৰু জাহ্নু বৰুৱাই অসমীয়া চিনেমালৈ আগবঢ়োৱা অৱদান সম্পর্কে লিখা।
উত্তৰ: ভবেন্দ্ৰ নাথ শইকীয়া আৰু জাহ্নু বৰুৱাই অসমীয়া চলচ্চিত্ৰক ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত এক নতুন স্থান দিছিল। ভবেন্দ্ৰ নাথ শইকীয়াই তেওঁৰ প্ৰথম ছবি  ‘সন্ধ্যাৰাগ’ ৰে (১৯৭৭) বাস্তৱবাদী ধাৰাটোক নতুন তেজৰ সঞ্চাৰ দিছিল। তেওঁ ‘অনিৰ্বাণ’, ‘অগ্নিস্নান’ আদি ছবি পৰিচালনা কৰিছিল আৰু তেওঁৰ ছবি দেশ-বিদেশৰ চলচ্চিত্ৰ মহোৎসৱত প্ৰদৰ্শিত হৈছে। তেওঁ  ‘অগ্নিস্নান’ ৰ বাবে শ্ৰেষ্ঠ চিত্ৰনাট্যৰ ৰাষ্ট্ৰীয় বঁটাও লাভ কৰিছিল। জাহ্নু বৰুৱাই  ‘অপৰূপা’ ৰে পৰিচালনা আৰম্ভ কৰিছিল আৰু তেওঁৰ ছবিয়েও দেশৰ ভিতৰে-বাহিৰে সন্মান লাভ কৰিছে। তেওঁ ‘সাগৰলৈ বহু দূৰ’ আৰু ‘হালধীয়া চৰায়ে বাওধান খায়’ আদি ছবিৰ বাবে ৰাষ্ট্ৰীয় বঁটা লাভ কৰিছিল। এই দুয়ো গৰাকীয়ে অসমীয়া চলচ্চিত্ৰৰ কলাগত মানদণ্ড বৃদ্ধি কৰাত গুৰুত্বপূৰ্ণ ভূমিকা পালন কৰিছিল।

৪। অসমীয়া বিনোদনধর্মী ছবিৰ বিষয়ে এটি টোকা প্রস্তুত কৰা।
উত্তৰ: অসমীয়া বিনোদনধৰ্মী ছবিৰ ধাৰা ‘ইন্দ্ৰমালতী’ৰ (১৯৩৯) সময়ৰ পৰাই আৰম্ভ হৈছিল। এই ধাৰাটোৰ ছবিৰ কাহিনী আৱেগ আৰু নাটকীয় উপাদানেৰে ভৰা আছিল। ব্ৰজেন বৰুৱাৰ দ্বাৰা পৰিচালিত ‘ডাঃ বেজবৰুৱা’ (১৯৬৯) আছিল আৱেগমিশ্ৰিত থ্ৰিলাৰ আৰু এই ধাৰাৰ এক সফল ছবি। এই ছবিখনে ব্যৱসায়িক দিশত সফলতা লাভ কৰাৰ পিছত বহু পৰিচালকে এই পথ অনুসৰণ কৰিছিল। ‘মুকুতা’, ‘যোগ-বিয়োগ’, ‘আজলী নবৌ’ আদি এই ধাৰাৰ উল্লেখযোগ্য ছবি। এই ছবিবোৰ চলচ্চিত্ৰ ভাষাৰ দিশৰ পৰা উচ্চ মানদণ্ডৰ নহ’লেও ইবোৰে দৰ্শকৰ ৰুচিবোধক সন্মান জনাইছিল আৰু ইয়াৰ নিটোল কাহিনীৰ বাবে সফল হৈছিল। মুনীন বৰুৱাৰ ‘হিয়া দিয়া নিয়া’ (২০০০) ছবিখনো এই ধাৰাৰ আন এখন সফল ছবি, য’ত আধুনিক উপাদানৰ লগতে নিটোল কাহিনীও আছিল।

৫। অসমীয়া চলচ্চিত্রই লাভ কৰা ৰাষ্ট্ৰীয় আৰু আন্তঃৰাষ্ট্ৰীয় স্বীকৃতি সম্পর্কে আলোচনা কৰা।
উত্তৰ: অসমীয়া চলচ্চিত্ৰই বিভিন্ন সময়ত ৰাষ্ট্ৰীয় আৰু আন্তঃৰাষ্ট্ৰীয় স্বীকৃতি লাভ কৰিছে। ১৯৫৫ চনত ফণী শৰ্মাৰ ‘পিয়লি ফুকন’ ছবিয়ে ‘ৰাষ্ট্ৰপতিৰ চাৰ্টিফিকেট অব মেৰিট’ লাভ কৰিছিল। ইয়াৰ পিছত প্ৰায় প্ৰতি বছৰেই আঞ্চলিক ভাষাৰ ছবিৰ বাবে দিয়া বঁটা অসমীয়া ছবিয়ে লাভ কৰি আছে। ড° ভূপেন হাজৰিকাই তেওঁৰ ‘চামেলি মেমচাব’ ৰ বাবে শ্ৰেষ্ঠ সংগীত পৰিচালকৰ বঁটা লাভ কৰিছিল। ড° ভবেন্দ্ৰ নাথ শইকীয়াই  ‘অগ্নিস্নান’ ৰ বাবে শ্ৰেষ্ঠ চিত্ৰনাট্যৰ বঁটা লাভ কৰিছিল। জাহ্নু বৰুৱাই  ‘সাগৰলৈ বহু দূৰ’ ৰ বাবে শ্ৰেষ্ঠ পৰিচালকৰ বঁটা লাভ কৰিছিল। ইয়াৰ উপৰিও, ‘হলধৰ’ (সঞ্জীৱ হাজৰিকা), ‘ৱশ্ববিপু’ (গৌতম বৰা), ‘তৰা’ (জাহ্নু বৰুৱা) আদি ছবিও ৰাষ্ট্ৰীয় বঁটাৰে সন্মানিত হৈছে। এই বঁটাসমূহে অসমীয়া চলচ্চিত্ৰক অসমৰ বাহিৰতো চিনাকি কৰি তোলাত সহায় কৰিছে।