SEBA Class 9 Assamese Chapter কলিতাসকল প্রশ্ন আৰু উত্তৰ Solutions | Vaichitryamay Assam

প্ৰশ্নাৱলীৰ সমাধান

১। কলিতা জনগোষ্ঠীৰ খাদ্য-পৰম্পৰাৰ বিষয়ে চমুকৈ লিখা।
উত্তৰ : কলিতাসকলৰ মূল আহাৰ হ’ল চাউল সিজাই প্ৰস্তুত কৰা ‘ভাত’। তেওঁলোকে ভাতৰ সৈতে বিভিন্ন শাক, পাচলি আৰু মাছ-মাংসৰে প্ৰস্তুত কৰা ব্যঞ্জন খায়। তেওঁলোকৰ কিছুমান পৰম্পৰাগত খাদ্য বা ব্যঞ্জন হ’ল- আলু পিটিকা, বেঙেনা পিটিকা, মাছ পোৰা, ঔ-টেঙাৰে মাছ ৰন্ধা আৰু বিভিন্ন ‘বতা’। জলপানত তেওঁলোকে কোমল চাউল, চিৰা বা সান্দহ-গুৰি কল, গুৰ আৰু গাখীৰেৰে গ্ৰহণ কৰে। তেওঁলোকে কোনো ধৰণৰ সুৰা প্ৰস্তুত নকৰে বা সেৱন নকৰে।

২। কলিতা জনগোষ্ঠীৰ আ-অলংকাৰ আৰু সাজ-পাৰৰ বিষয়ে চমুকৈ লিখা।
উত্তৰ : কলিতা মহিলাৰ জাতীয় সাজ হ’ল মেখেলা-চাদৰ, আৰু লগতে তেওঁলোকে আগুৰণ, টেলচ, ৰিহা আদিও পৰিধান কৰে। পুৰুষসকলে গামোচা, শালত বৈ লোৱা চুৰিয়া আৰু চোলা পিন্ধে। তেওঁলোকে কপাহী, এৰি, পাত আৰু মুগা সূতাৰে কাপোৰ তৈয়াৰ কৰে। পাত সূতাৰ ৰং ৰূপালী আৰু মুগা সূতাৰ বৰণ সোণালী হয়। সোণ, ৰূপ আৰু পিতলেৰে তৈয়াৰী বিভিন্ন অলংকাৰ মহিলাসকলে ব্যৱহাৰ কৰে। তেওঁলোকে কপালত ফোঁট লয়, আৰু বিয়াৰ পিছত সেন্দুৰৰ ফোঁট লয়।

৩। কলিতা জনগোষ্ঠীৰ উৎসৱ-পাৰ্বনৰ বিষয়ে চমুকৈ লিখা।
উত্তৰ : কলিতা জনগোষ্ঠীয় লোকে পালন কৰা পৰ্ব বা উৎসৱসমূহৰ ভিতৰত গৰু বিহু, সাত বিহু, কাতি বিহু, ভোগালী বিহু আদি প্ৰধান। ইয়াৰ উপৰি, তেওঁলোকে শাকতি বা শাকেতি, বাঁহ পূজা, ভথেলি, মহোহো বা ম’হ খেদা, ভূঁই ৰোৱা বা গজ দিয়া উৎসৱ, ন’-খোৱা আদিও পালন কৰে। ছোৱালী ডাঙৰ হোৱা পৰ্বকো (পুষ্পিতা বা ধুৱেনী) তেওঁলোকে উদযাপন কৰে।

৪। চমুটোকা লিখা :

(ক) আনন্দৰাম বৰুৱা
উত্তৰ : আনন্দৰাম বৰুৱা আছিল প্ৰথম অসমীয়া স্নাতক তথা প্ৰথম অসমীয়া (পঞ্চম ভাৰতীয়) অসামৰিক সেৱাৰ বিষয়া (আই চি এছ)। তেওঁ ১৮৫০ চনৰ ২১ মে’ত উত্তৰ গুৱাহাটীত জন্ম হৈছিল। তেওঁ আছিল জিলা দণ্ডাধীশৰ পদত অধিষ্ঠিত হোৱা প্ৰথম অসমীয়া। তেওঁ এজন সংস্কৃত ভাষাৰ বিদগ্ধ পণ্ডিত আছিল। তেওঁৰ মৃত্যু ১৮৮৯ চনৰ ১৯ জানুৱাৰীত হয়। অসম চৰকাৰে তেওঁৰ নামত ‘আনন্দৰাম বৰুৱা বঁটা’ৰ প্ৰৱৰ্তন কৰিছে।

(খ) কুমাৰ ভাস্কৰ বৰ্মা
উত্তৰ : কুমাৰ ভাস্কৰ বৰ্মা আছিল প্ৰাচীন কামৰূপ ৰাজ্যৰ শ্ৰেষ্ঠ ৰজা। ৫৯৩ চনত তেওঁ সিংহাসনত আৰোহণ কৰিছিল, আৰু সেই দিনৰ পৰাই অসমীয়া জাতীয় অব্দ (ভাস্কৰাব্দ) গণনা কৰা হয়। তেওঁ উত্তৰ ভাৰতৰ ৰজা হৰ্ষবৰ্ধনৰ সৈতে মিত্ৰতা কৰি গৌড়ৰ ৰজা শশাংকক পৰাস্ত কৰিছিল। তেওঁৰ ৰাজত্বকালত কামৰূপ ৰাজ্যৰ সীমা পশ্চিমে বিহাৰ আৰু দক্ষিণে উৰিষ্যা ৰাজ্যলৈকে বিস্তৃত আছিল।

(গ) মণিৰাম দেৱান
উত্তৰ : মণিৰাম দেৱানৰ প্ৰকৃত নাম আছিল মণিৰাম দত্তবৰুৱা, আৰু তেওঁক ‘কলিতা ৰজা’ বুলি জনা যায়। তেওঁ আছিল অসমৰ স্বাধীনতা আন্দোলনৰ বাটকটীয়া। তেওঁ ১৮৪৫ চনত দুখন চাহ বাগিচা খুলি প্ৰথম অসমীয়া আৰু ভাৰতীয় চাহ খেতিয়ক হিচাপে পৰিগণিত হৈছিল। ১৮৫৭ চনৰ চিপাহী বিদ্ৰোহত তেওঁৰ ভূমিকাৰ বাবে ইংৰাজ শাসকে ১৮৫৮ চনৰ ২৬ ফেব্ৰুৱাৰীত তেওঁক যোৰহাটত ফাঁচী দিছিল।

(ঘ) ড° বাণীকান্ত কাকতি
উত্তৰ : ড° বাণীকান্ত কাকতিৰ জন্ম ১৮৯৪ চনত বৰপেটা জিলাৰ বাটিকুৰিহা গাঁৱত হৈছিল। তেওঁ ১৯১৮ চনত কটন কলেজত অধ্যাপক হিচাপে যোগদান কৰিছিল আৰু ১৯৪৭ চনত অধ্যক্ষ হৈছিল। তেওঁ ‘কলিতা জাতিৰ ইতিবৃত্ত’ আদি বহু গ্ৰন্থ ৰচনা কৰিছিল। তেওঁৰ গ্ৰন্থ **’Assamese- It’s Formation and Development’**ৰ বাবে কলিকতা বিশ্ববিদ্যালয়ে তেওঁক ‘ডক্টৰেট’ উপাধি প্ৰদান কৰিছিল।

অতিৰিক্ত প্ৰশ্ন আৰু উত্তৰ (Extra Questions and Answers)

চমু উত্তৰৰ প্ৰশ্ন :

১। কলিতাসকলে ক’ৰ পৰা প্ৰব্ৰজন কৰিছিল?
উত্তৰ : কলিতা জনগোষ্ঠীৰ পূৰ্বপুৰুষ আলপাইনসকলে পশ্চিম দিশৰ হিমালয়ৰ পাদদেশৰ সমতল অঞ্চলেৰে প্ৰব্ৰজন কৰিছিল।

২। কলিতাসকলৰ জনসংখ্যা কিমান বুলি অনুমান কৰা হৈছে?
উত্তৰ : বৰ্তমান অসমত কলিতা জনগোষ্ঠীয় লোকৰ মুঠ সংখ্যা পঞ্চাশ লাখৰ কম হ’ব নালাগে বুলি অনুমান কৰিব পাৰি।

৩। কলিতা জনগোষ্ঠীৰ কেইটামান অনুসূচিত জাতিৰ নাম লিখা।
উত্তৰ : কলিতা জনগোষ্ঠীৰ কেইটামান অনুসূচিত জাতিভুক্ত সম্প্ৰদায় হ’ল- ধুবী, হীৰা আৰু জালৈ।

৪। বিবাহৰ পিছত কলিতা মহিলাই ক’ত সেন্দুৰৰ ফোঁট লয়?
উত্তৰ : বিয়াৰ পিছত কলিতা মহিলাই কপালত সেন্দুৰৰ ফোঁট লয়।

৫। কোনটো উৎসৱত কাণ-ফুটোৱা পৰ্ব পালন কৰা হয়?
উত্তৰ : কাতি মাহৰ পূৰ্ণিমাৰ দিনাখন (লক্ষ্মী পূৰ্ণিমা) অথবা আহিন মাহৰ শুক্লা দশমী (বিজয়া দশমী)ৰ দিনা কাণ-ফুটোৱা উৎসৱ পালন কৰা হয়।

৬। কিহৰ পৰা কোমল (ব’কা) চাউল প্ৰস্তুত কৰা হয়?
উত্তৰ : ধান উহাই একেটা ৰ’দতে শুকুৱাই এক বিশেষ প্ৰক্ৰিয়াৰে কোমল (ব’কা) চাউল প্ৰস্তুত কৰা হয়।

৭। কুমাৰ ভাস্কৰ বৰ্মাৰ ৰাজধানীৰ সীমা কিমান আছিল?
উত্তৰ : চীনা পৰিব্ৰাজক হিউ ৱেন চাঙৰ টোকা মতে কুমাৰ ভাস্কৰ বৰ্মাৰ ৰাজধানী প্ৰাগজ্যোতিষপুৰৰ সীমা ৬ মাইল আছিল।

৮। মণিৰাম দেৱানৰ গ্ৰন্থখনৰ নাম কি?
উত্তৰ : মণিৰাম দেৱানে ‘বুৰঞ্জী বিবেক ৰত্ন’ নামেৰে গ্ৰন্থ ৰচনা কৰিছিল।

৯। ড° বাণীকান্ত কাকতিয়ে কেতিয়া অধ্যক্ষ হৈছিল?
উত্তৰ : ১৯১৭ চনত ড° বাণীকান্ত কাকতি কটন কলেজত অধ্যক্ষ হৈছিল।

১০। আনন্দৰাম বৰুৱাৰ পিতৃ আৰু মাতৃৰ নাম কি আছিল?
উত্তৰ : আনন্দৰাম বৰুৱাৰ পিতৃৰ নাম গৰ্গৰাম বৰুৱা আৰু মাতৃৰ নাম দুর্লভেশ্বৰী বৰুৱা।

দীঘল উত্তৰৰ প্ৰশ্ন :

১। কলিতা জনগোষ্ঠীৰ প্ৰব্ৰজনৰ ইতিহাস আৰু ব্ৰহ্মপুত্ৰ উপত্যকাত তেওঁলোকৰ বসতি স্থাপনৰ বিষয়ে আলোচনা কৰা।
উত্তৰ : কলিতা জনগোষ্ঠীৰ পূৰ্বপুৰুষ আলপাইনসকলে পশ্চিম দিশৰ হিমালয়ৰ পাদদেশৰ সমতল অঞ্চলেৰে প্ৰব্ৰজন কৰি আহি ব্ৰহ্মপুত্ৰ উপত্যকাত প্ৰৱেশ কৰিছিল। প্ৰায় ৭,০০০ বছৰ পূৰ্বে তেওঁলোকৰ প্ৰথম দলটো আহিছিল আৰু প্ৰায় ৪,০০০ বছৰ পূৰ্বে তেওঁলোকে ব্যাপক মাত্ৰাত বসতি স্থাপন কৰিছিল। সেই সময়ত ব্ৰহ্মপুত্ৰ উপত্যকা জলবসতি শূন্য আছিল বাবে তেওঁলোকে কোনো বাধা নোহোৱাকৈ উপনিৱেশ স্থাপন কৰিব পাৰিছিল। তেওঁলোকে নদীৰ পাৰে পারে পূৱলৈ আগবাঢ়ি গৈ পাটকাই পৰ্বতৰ কাষত দ্বিতীয় উপনিৱেশ পাতিছিল, কাৰণ তেওঁলোকৰ বাবে পৰ্বত অতিক্ৰম কৰাটো সম্ভৱ নাছিল।

২। কলিতা জনগোষ্ঠীৰ অৰ্থনৈতিক আৰু সামাজিক জীৱনৰ বিষয়ে আলোচনা কৰা।
উত্তৰ : কলিতাসকল মূলতঃ কৃষিজীৱী আৰু প্ৰায় ৯০% লোকে প্ৰত্যক্ষ বা পৰোক্ষভাৱে কৃষি আৰু পশুপালনৰ জৰিয়তে জীৱন নিৰ্বাহ কৰে। তেওঁলোকৰ সমাজখন অন্তঃ-প্ৰজননী (Endogamous) আৰু স্বগোত্ৰীয় বিবাহক অগ্ৰাধিকাৰ দিয়ে। কিন্তু ওচৰ-ৰক্ত সম্পৰ্কৰ মাজত বিবাহ নিষিদ্ধ। তেওঁলোকে তাঁতশালত নিজেই কাপোৰ উৎপাদন কৰে। যুৱতীসকলে তাঁতৰ কাম জনাটো বাধ্যতামূলক বুলি গণ্য কৰা হয়।

৩। কুমাৰ ভাস্কৰ বৰ্মাৰ ৰাজত্ব আৰু তেওঁৰ অৱদানৰ বিষয়ে লিখা।
উত্তৰ : কুমাৰ ভাস্কৰ বৰ্মা প্ৰাচীন কামৰূপ ৰাজ্যৰ শ্ৰেষ্ঠ ৰজা আছিল। ৫৯৩ চনত তেওঁ সিংহাসনত বহাৰ দিনৰ পৰা ভাস্কৰাব্দ গণনা কৰা হয়। তেওঁ উত্তৰ ভাৰতৰ ৰজা হৰ্ষবৰ্ধনৰ সৈতে মিত্ৰতা কৰি গৌড়ৰ ৰজা শশাংকক পৰাস্ত কৰিছিল। তেওঁৰ ৰাজত্বকালত কামৰূপৰ সীমা পশ্চিমে বিহাৰ আৰু দক্ষিণে উৰিষ্যা ৰাজ্যলৈকে বিস্তৃত আছিল, যি আছিল ভৌগোলিকভাৱে বিশালতম কামৰূপ ৰাজ্য। তেওঁৰ ডুবি তাম্ৰলিপি, নিধানপুৰ তাম্ৰলিপি আৰু নালন্দাৰ মোহৰ অসমৰ অমূল্য ঐতিহাসিক সমল।

৪। মণিৰাম দেৱানৰ জীৱন আৰু স্বাধীনতা সংগ্ৰামলৈ তেওঁৰ অৱদানৰ বিষয়ে আলোচনা কৰা।
উত্তৰ : মণিৰাম দেৱানৰ প্ৰকৃত নাম মণিৰাম দত্তবৰুৱা আছিল, আৰু তেওঁক ‘কলিতা ৰজা’ বুলি জনা যায়। তেওঁ আছিল অসমৰ স্বাধীনতা আন্দোলনৰ বাটকটীয়া। তেওঁ আছিল প্ৰথম অসমীয়া আৰু ভাৰতীয় চাহ খেতিয়ক, যিয়ে ১৮৪৫ চনত দুখন নিজা চাহ বাগিচা খুলিছিল। ১৮৫৭ চনৰ চিপাহী বিদ্ৰোহৰ সূচনা কৰাৰ বাবে ইংৰাজ শাসকে ১৮৫৮ চনৰ ২৬ ফেব্ৰুৱাৰীত তেওঁক যোৰহাটত ৰাজহুৱাকৈ ফাঁচী দিছিল। তেওঁ অর্থনৈতিক স্বাধীনতাৰ বাবেও বহু উদ্যোগ স্থাপন কৰিছিল।

৫। ড° বাণীকান্ত কাকতিৰ ভাষাতত্ত্বৰ ক্ষেত্ৰত অৱদানসমূহ কি কি?
উত্তৰ : ড° বাণীকান্ত কাকতিয়ে কলিতা জনগোষ্ঠীৰ ভাষাৰ আধাৰত আন জনগোষ্ঠীৰ অৱদানেৰে সমৃদ্ধ হৈ গঢ় লৈ উঠা ‘অসমীয়া’ ভাষাটোক এটা স্বতন্তৰীয়া আধুনিক ভাষা বুলি প্ৰতিষ্ঠা কৰিছিল। তেওঁৰ গ্ৰন্থ **’Assamese- It’s Formation and Development’**ৰ বাবে কলিকতা বিশ্ববিদ্যালয়ে তেওঁক ‘ডক্টৰেট’ উপাধি প্ৰদান কৰিছিল। তেওঁ **’কলিতা জাতিৰ ইতিবৃত্ত’**কে ধৰি বহুকেইখন গ্ৰন্থও ৰচনা কৰিছিল।

৬। কলিতা জনগোষ্ঠীৰ পৰম্পৰাগত সাজ-পোছাক আৰু অলংকাৰৰ বিষয়ে লিখা।
উত্তৰ : কলিতা মহিলাৰ জাতীয় সাজ হ’ল মেখেলা-চাদৰ, আৰু লগতে তেওঁলোকে আগুৰণ, টেলচ, ৰিহা আদিও পৰিধান কৰে। পুৰুষসকলে গামোচা, শালত বৈ লোৱা চুৰিয়া আৰু চোলা পিন্ধে। তেওঁলোকে কপাহ, এৰি, পাত আৰু মুগা সূতাৰে নিজৰ কাপোৰ তৈয়াৰ কৰে। পাত সূতাৰ ৰং ৰূপালী আৰু মুগা সূতাৰ বৰণ সোণালী হয়। এই দুবিধ কাপোৰ কলিতা সমাজত আভিজাত্যৰ প্ৰতীক। তেওঁলোকে সোণ, ৰূপ আৰু পিতলৰ বিভিন্ন অলংকাৰ ব্যৱহাৰ কৰে।

৭। কলিতা লোকসংস্কৃতিৰ বিষয়ে আলোচনা কৰা।
উত্তৰ : কলিতাসকলৰ লোকসংস্কৃতি অসমীয়া জাতিৰ সাংস্কৃতিক ধাৰণাৰ মূল বা মেৰুদণ্ড। তেওঁলোকৰ লোকসংস্কৃতিৰ বেছিভাগেই খেতি আৰু নদীৰ সৈতে জড়িত। তেওঁলোকে বিভিন্ন উৎসৱ-পাৰ্বন পালন কৰে, যাৰ ভিতৰত গৰু বিহু, সাত বিহু, কাতি বিহু আৰু ভোগালী বিহু আদি অন্যতম। তেওঁলোকৰ বহু লোক-বিশ্বাস, সাধু, গীত-মাত আদি আছে যিবোৰে তেওঁলোকৰ সংস্কৃতি সমৃদ্ধ কৰি ৰাখিছে।

৮। মণিৰাম দেৱানৰ অৰ্থনৈতিক অৱদানৰ বিষয়ে লিখা।
উত্তৰ : মণিৰাম দেৱানে অসমত অৰ্থনৈতিক স্বাধীনতা প্ৰতিষ্ঠাৰ বাবে চেষ্টা কৰিছিল। তেওঁ লো গলোৱা উদ্যোগ, সোণ উদ্যোগ, লোন ব্যৱসায়, নাও বনোৱা উদ্যোগ, ইটা উদ্যোগ আদি স্থাপন কৰিছিল। তেওঁ উৎপাদিত সামগ্ৰী বিক্ৰীৰ বাবে ব্ৰহ্মপুত্ৰ উপত্যকাৰ পাঁচখন ঠাইত পাঁচখন হাটও প্ৰতিষ্ঠা কৰিছিল। ১৮৪৫ চনত দুখন নিজা চাহ বাগিচা খুলি তেওঁ প্ৰথম অসমীয়া চাহ খেতিয়ক হিচাপে পৰিগণিত হৈছিল।

৯। কলিতা সমাজৰ বিবাহ পদ্ধতিৰ বিষয়ে লিখা।
উত্তৰ : কলিতা সমাজ অন্তঃ-প্ৰজননী হ’লেও ওচৰ-ৰক্ত সম্পৰ্কিত পুৰুষ-নাৰীৰ মাজত বিবাহ সম্পূৰ্ণৰূপে নিষিদ্ধ। সম্বন্ধীয় ভাই-ভনী, মামা-ভাগিনী আদিৰ মাজৰ বিবাহ বাৰণ কৰা হয়। সামাজিকভাৱে বিয়া নোহোৱাকৈ একেলগে থকাটো সমাজে অনুমোদন নজনায়। পলুৱাই আনি বিবাহ কৰাটো আদৰণীয় নহয়। এনে ক্ষেত্ৰত সংশ্লিষ্ট ব্যক্তিসকলে ‘মেল’ৰ সন্মুখীন হ’ব লাগে আৰু ‘মেল’ৰ সিদ্ধান্ত অনুসৰি দণ্ড ভৰিহে সংসাৰ আৰম্ভ কৰিব পাৰে।

১০। ‘অসমীয়া’ সংস্কৃতি গঠনত কলিতা জনগোষ্ঠীৰ অৱদান কি?
উত্তৰ : ‘অসমীয়া’ বুলি যিটো সাংস্কৃতিক ধাৰণাৰ সৃষ্টি হৈছে, তাৰ মূল বা মেৰুদণ্ডডাল হ’ল কলিতা জনগোষ্ঠীয় লোকসংস্কৃতি। কলিতাসকলৰ অৱদান ইমানেই বেছি যে “অসমীয়া লোকসংস্কৃতি” আৰু “কলিতা লোকসংস্কৃতি” অভিন্ন ৰূপত একাকাৰ হৈ গৈছে। এই কাৰণে বহুতে কয় যে অসমৰ সভ্যতা মূলতঃ কলিতা সভ্যতা। তেওঁলোকে নিজৰ লোকসংস্কৃতিসমূহক নিজৰ জনগোষ্ঠীয় বুলি চিহ্নিত নকৰি সামূহিক পৰিচয়েৰে চিহ্নিত কৰিছিল।