ASSEB Solutions for Class 11 Assamese (MIL) Sahitya Saurav Chapter 5 : গিবন (Gibon) | Assam Eduverse
Chapter Overview:
Assam Eduverse presents the summary of Class 11 Assamese MIL (AHSEC/ASSEB) – Sahitya Saurav (সাহিত্য সৌৰভ), Chapter 5: গিবন (Gibon) by Homen Borgohain. The essay গিবন (Gibon) focuses on the life and achievements of Edward Gibbon, the world-renowned historian, and the creation of his monumental book “The History of the Decline and Fall of the Roman Empire.”
In Chapter 5: গিবন (Gibon), the author explains how Gibbon, once an ordinary student, rose to greatness through self-confidence, perseverance, and hard work. Initially, he planned to write only the history of Rome, but after nearly twenty years of relentless effort, it expanded into a vast historical masterpiece. The book covers key events such as the rise and fall of the Roman Empire, the growth of Christianity, and the Islamic conquests.
The aim of গিবন (Gibon) is to highlight the value of determination and self-belief in achieving success. Assam Eduverse not only provides the chapter summary of গিবন (Gibon) but also the solutions of all textual and extra question-answers for Class 11 Assamese MIL (AHSEC/ASSEB), ensuring complete exam preparation.
ASSEB Solutions for Class 11 Assamese (MIL) Sahitya Saurav Chapter 5 : গিবন (Gibon) Solutions & Question Answer
📖 পাঠৰ সংক্ষিপ্তসাৰ: গিবন
সাহিত্য সৌৰভ
গিবন পাঠখনত হোমেন বৰগোহাঞি-এ এডৱাৰ্ড গিবন-ৰ জীৱন আৰু তেওঁৰ বিশ্ববিখ্যাত ঐতিহাসিক গ্ৰন্থ “The History of the Decline and Fall of the Roman Empire“-ৰ সৃষ্টি কাহিনী আলোচনা কৰিছে।
লেখকে কয় যে গিবন ছাত্ৰ অৱস্থাত সাধাৰণ আছিল, কিন্তু তেওঁৰ আত্মবিশ্বাস, অধ্যৱসায় আৰু সাধনাই তেওঁক বিশ্বৰ শ্ৰেষ্ঠ ইতিহাসবিদ হিচাপে খ্যাতি এনে দিছে। প্ৰথমতে গিবনে কেৱল ৰোম নগৰীৰ ইতিহাস লিখিবলৈ ভাবিছিল, কিন্তু দীঘলীয়া পৰিশ্ৰমৰ ফলত ই এক বিশাল গ্ৰন্থত পৰিণত হয়।
এই গ্ৰন্থত ৰোমান সাম্ৰাজ্যৰ উত্থান-পতন, খ্ৰীষ্টান ধৰ্মৰ উত্থান আৰু ইছলামৰ বিজয় অভিযানৰ দৰে বহু গুৰুত্বপূৰ্ণ ঘটনা সন্নিৱিষ্ট হৈছে। পাঠখনৰ মূল লক্ষ্য হ’ল আত্মবিশ্বাস আৰু অধ্যৱসায়ৰ গুৰুত্বৰ বিষয়ে পাঠকক প্ৰেৰণা দিয়া।
— From the book Sahitya Saurav (সাহিত্য সৌৰভ)
আৰ্হি প্রশ্ন
(ক) অতি চমু প্রশ্ন (প্ৰতিটো প্রশ্নৰ মূল্যাংক- ১)
১। এডৱাৰ্ড গিবন কোন আছিল?
উত্তৰ: এডৱাৰ্ড গিবন বিশ্বৰ এগৰাকী শ্রেষ্ঠ ঐতিহাসিক। তেওঁ এগৰাকী বৃটিছ নাগৰিক আছিল।
২। এডৱাৰ্ড গিবনে অধ্যয়ন কৰা কলেজখনৰ নাম লিখা।
উত্তৰ: এডৱাৰ্ড গিবনে অক্সফোর্ডৰ মেন্ডালেন কলেজত অধ্যয়ন কৰিছিল।
৩। এডৱাৰ্ড গিবনে ৰচনা কৰা প্ৰখ্যাত গ্রন্থ এখনৰ নাম লিখা।
উত্তৰ: এডৱাৰ্ড গিবনে ৰচনা কৰা প্ৰখ্যাত গ্রন্থখনৰ নাম হৈছে ‘The History of the Decline and Fall of the Roman Empire’।
৪। শ্বপেনহাৱাৰ কোন আছিল?
উত্তৰ: শ্বপেনহাৱাৰ এগৰাকী বিখ্যাত জার্মান দার্শনিক আছিল।
৫। ‘আলেকজেন্দ্রিয়ান কোৱাৰ্টেট’ নামৰ উপন্যাসমালাৰ লেখক কোন আছিল?
উত্তৰ: ‘আলেকজেন্দ্রিয়ান কোৱাৰ্টেট’ নামৰ উপন্যাসমালাৰ লেখক আছিল লৰেঞ্চ ডাৰেল।
(খ) চমু প্রশ্ন (প্ৰতিটো প্রশ্নৰ মূল্যাংক- ২ অথবা ৩)
১। জন মিল্টন কোন শতিকাৰ কবি আছিল? তেওঁ ৰচনা কৰা বিখ্যাত মহাকাব্যখনৰ নাম লিখা।
উত্তৰ: জন মিল্টন সপ্তদশ শতিকাৰ (১৬০৮-১৬৭৪) এগৰাকী প্রসিদ্ধ ইংৰাজী কবি আছিল। তেওঁ ৰচনা কৰা বিখ্যাত মহাকাব্যখনৰ নাম হৈছে ‘পেৰাডাইজ লষ্ট’।
২। দার্শনিক ৰুছোয়ে ৰচনা কৰা দুখন গ্ৰন্থৰ নাম লিখা।
উত্তৰ: দার্শনিক ৰুছোয়ে ৰচনা কৰা দুখন গ্ৰন্থ হৈছে ‘The Social Contract’ আৰু তেওঁৰ আত্মজীৱনী ‘Confessions’।
৩। গিবনৰ সম্পূৰ্ণ নামটো কি আছিল? তেওঁ কোন শতিকাৰ লেখক আছিল?
উত্তৰ: গিবনৰ সম্পূৰ্ণ নামটো আছিল এডৱাৰ্ড গিবন (Edward Gibbon)। তেওঁ অষ্টাদশ শতিকাৰ (১৭৩৭-১৭৯৪) লেখক আছিল।
৪। ‘Age of Reason’ নামৰ গ্ৰন্থখন কোনে কেতিয়া ৰচনা কৰিছিল?
উত্তৰ: ‘Age of Reason’ নামৰ গ্ৰন্থখন অষ্টাদশ শতিকাত (১৭৩৮-১৭৯৪) টমাছ পেইনে ৰচনা কৰিছিল। এই গ্ৰন্থৰ মাজেৰে ধৰ্মীয় আনুষ্ঠানিকতা আৰু বাইবেলৰ কৰ্তৃত্বক প্রত্যাহ্বান জনোৱা হৈছিল।
৫। যৌৱন কালত এডৱাৰ্ড গিবন কোনখন দেশৰ, কোনখন চহৰৰ বাসিন্দা আছিল?
উত্তৰ: এডৱাৰ্ড গিবন যৌৱন কালত ছুইজাৰলেণ্ডৰ লুছান চহৰৰ বাসিন্দা আছিল। তেওঁ দেউতাকৰ নিৰ্দেশত এই চহৰখনলৈ গৈছিল।
(গ) দীঘল প্রশ্ন (প্ৰতিটো প্রশ্নৰ মূল্যাংক- ৪ অথবা ৫)
১। এডৱাৰ্ড গিবনৰ চমু পৰিচয় দিয়া।
উত্তৰ: এডৱাৰ্ড গিবন (১৭৩৭-১৭৯৪) ইংলেণ্ডৰ এগৰাকী প্ৰখ্যাত ইতিহাসবিদ আৰু লেখক আছিল। ছাত্র হিচাপে তেওঁ অসাধাৰণ নাছিল আৰু পোন্ধৰ বছৰ বয়সত তেওঁ অক্সফোর্ড বিশ্ববিদ্যালয়ত ভৰ্তি হৈছিল। কিন্তু তেওঁ নিজৰ প্ৰচেষ্টাৰে প্ৰচুৰ কিতাপ পঢ়িছিল। পিছলৈ তেওঁ দেউতাকৰ নিৰ্দেশত লুছানলৈ যায়, য’ত তেওঁৰ মনৰ পৰিৱৰ্তন হয়। ১৭৬৪ চনত ৰোম ভ্ৰমণৰ সময়ত তেওঁ ৰোমৰ ইতিহাস লিখাৰ সিদ্ধান্ত লয়। ইয়াৰ ফলস্বৰূপে তেওঁ নিজৰ জীৱনৰ সোতৰ বছৰ অতিবাহিত কৰি ‘The History of the Decline and Fall of the Roman Empire’ নামৰ বিশ্ববিখ্যাত গ্ৰন্থখন ৰচনা কৰে। তেওঁৰ এই অসাধাৰণ কৰ্মে তেওঁক অমৰত্ব প্ৰদান কৰে।
২। এডৱাৰ্ড গিবনে ৰচনা কৰা ৰোমান সাম্ৰাজ্যৰ ইতিহাস বিষয়ক গ্রন্থখনৰ চমু পৰিচয় দাঙি ধৰা।
উত্তৰ: এডৱাৰ্ড গিবনে ৰচনা কৰা ইতিহাস বিষয়ক গ্ৰন্থখনৰ নাম হৈছে ‘The History of the Decline and Fall of the Roman Empire’। এই মহাগ্ৰন্থখনত মুঠ সাতটা খণ্ড আছে। এই কিতাপখনত সম্রাট এন্টনিনছৰ ৰাজত্বকালৰ পৰা তুৰ্কীসকলৰ দ্বাৰা কনষ্টান্টিনপলৰ অধিকাৰৰ সময়লৈকে মুঠ চৌদ্ধটা শতিকা সামৰি লোৱা হৈছে। গ্ৰন্থত খ্ৰীষ্টান ধৰ্মৰ উত্থান, ইছলামৰ বিজয় অভিযান, ইউৰোপত জাতীয় ৰাষ্ট্র গঠনৰ আৰম্ভণি আৰু ৰোমান সাম্ৰাজ্যৰ অৱক্ষয়ৰ দৰে যুগান্তকাৰী ঘটনাবোৰৰ জীৱন্ত বৰ্ণনা আছে। গিবনৰ লিখনীৰ ফলত গ্ৰন্থখনত অসংখ্য চৰিত্ৰ আৰু ঘটনা জীৱন্ত হৈ উঠিছে। ‘ডিক্লাইন এণ্ড ফল’ দুটা শতাব্দীৰ পিছতো এতিয়াও এক অভ্রভেদী গ্ৰীক মন্দিৰৰ দৰে স্থান লাভ কৰি আছে।
৩। এডৱাৰ্ড গিবনে ক’ত কিদৰে শিক্ষা গ্রহণ কৰিছিল, বুজাই লিখা।
উত্তৰ: এডৱাৰ্ড গিবনে প্ৰথমে অক্সফোর্ড বিশ্ববিদ্যালয়ৰ মেন্ডালেন কলেজত অধ্যয়ন কৰিছিল। তেওঁৰ সময়ত অক্সফোর্ডৰ অৱস্থা শোচনীয় আছিল আৰু পঢ়া-শুনা বিশেষ নাছিল। তথাপিও তেওঁ নিজে প্ৰচুৰ কিতাপ পঢ়িছিল। ইয়াৰ পিছত তেওঁ প্রটেষ্টান্ট ধর্মমত ত্যাগ কৰিছিল, যাৰ ফলত তেওঁৰ অভিভাৱকে তেওঁক কলেজৰ পৰা আঁতৰাই ছুইজাৰলেণ্ডৰ লুছান চহৰলৈ পঠাই দিছিল। লুছানত থাকোঁতে গিবন ফৰাচী প্ৰভাৱৰ অধীন আছিল, যাৰ ফলত তেওঁ ৰুছো, ভয়েৰ আদিৰ দ্বাৰা প্ৰভাৱিত হৈ এজন সংশয়বাদীত পৰিণত হৈছিল। লুছানত থকা তেওঁৰ যৌৱনকালৰ এই বছৰকেইটা তেওঁৰ বাবে অতি গুৰুত্বপূৰ্ণ আছিল।
৪। চমু টোকা লিখা: (ক) শ্বপেনহাৱাৰ, (খ) ভল্টেয়াৰ।
উত্তৰ:
(ক) শ্বপেনহাৱাৰ
আর্থৰ শ্বপেনহাৱাৰ এগৰাকী বিখ্যাত জার্মান দার্শনিক আছিল। তেওঁৰ জন্ম হৈছিল ১৭৮৮ চনত আৰু মৃত্যু হৈছিল ১৮৬০ চনত। তেওঁৰ লিখনিসমূহে ঊনবিংশ আৰু বিংশ শতিকাৰ চিন্তাবিদ আৰু শিল্পীসকলক প্ৰভাৱিত কৰিছিল। ‘The World as Will and Representation’ হৈছে তেওঁৰ আটাইতকৈ বিখ্যাত ৰচনা। শ্বপেনহাৱাৰে বিশ্বাস কৰিছিল যে পৃথিৱীত এতিয়ালৈকে ৰচিত কিতাপসমূহৰ ভিতৰত মাত্ৰ কেইখনমানহে পঢ়িবৰ যোগ্য।
(খ) ভল্টেয়াৰ
ভল্টেয়াৰ অষ্টাদশ শতিকাৰ ফ্ৰান্সৰ এজন বিখ্যাত লেখক আৰু দার্শনিক আছিল। তেওঁ মূলতঃ ব্যংগাত্মক ৰচনাৰ বাবে প্ৰসিদ্ধ আছিল। তেওঁৰ ব্যংগাত্মক লেখা ফৰাছী সাহিত্যৰ অমূল্য সম্পদ হিচাপে গণ্য কৰা হয়। ‘কান্দিদ’ তেওঁৰ দ্বাৰা ৰচিত এখন ব্যংগাত্মক উপন্যাস। তেওঁ ফৰাছী বিপ্লৱৰ আদৰ্শৰ অন্যতম অনুপ্ৰেৰণাকাৰী আছিল।
৫। প্রসংগ সংগতি দর্শাই ব্যাখ্যা কৰা: “যিসকল লেখকে সমগ্ৰ জীৱন ধৰি এখন মাত্র মহৎ গ্রন্থ ৰচনাৰ সাধনাত ব্ৰতী হৈ থাকে, তেওঁলোকে সেই গ্ৰন্থ ৰচনাৰ সমাপ্তিৰ পিছত এক বিশেষ ধৰণৰ শূন্যতা অনুভৱ কৰে।”
উত্তৰ: এই বাক্যটো এডৱাৰ্ড গিবনৰ জীৱনৰ সৈতে সম্পর্কিত। গিবনে নিজৰ জীৱনৰ সোতৰ বছৰ ‘ডিক্লাইন এণ্ড ফল’ নামৰ গ্ৰন্থখন ৰচনা কৰাত অতিবাহিত কৰিছিল। যেতিয়া তেওঁ গ্ৰন্থখনৰ শেষ বাক্য লিখি শেষ কৰে, তেতিয়া তেওঁ স্বাধীনতা ঘূৰাই পোৱাৰ আনন্দ অনুভৱ কৰিছিল। কিন্তু পিছ মুহূর্ততে তেওঁৰ মনলৈ বিষাদৰ ছাঁ নামি আহিছিল। যি গ্ৰন্থখন তেওঁৰ নিত্য সঙ্গী আছিল, যিটো বস্তু তেওঁৰ নিজতকৈয়ো অধিক বাস্তৱ আছিল, সেই প্রিয় বন্ধুক তেওঁ চিৰকাললৈ বিদায় দিবলগীয়া হৈছিল। এই শূন্যতা এনে লেখকসকলৰ বাবে সাধাৰণ, যিসকলে নিজৰ জীৱন এটা ডাঙৰ কামৰ বাবে উচৰ্গা কৰে, আৰু সেই কাম শেষ হোৱাৰ পিছত তেওঁলোকে এক উদ্দেশ্যবিহীনতা অনুভৱ কৰে। বিখ্যাত লেখক বছৱেলেও ‘লাইফ অব ডঃ জনছন’ লিখি শেষ কৰাৰ পিছত একে ধৰণৰ অভিজ্ঞতা লাভ কৰিছিল।
🎓 About Assam Eduverse
This solution is prepare by Assam Eduverse – your reliable educational hub for academic content, study materials, and exam preparation for Assam Board and other state-level exams. Follow Assam Eduverse for accurate, exam-ready NCERT solutions, notes, MCQs, and free study materials.