SEBA Solutions for Class 10 Assamese (MIL) – Vaichitryamay Assam Chapter : মটকসকল (Motok-sokol) | Assam Eduverse
Chapter Overview:
Assam Eduverse presents the summary of Class 10 Assamese MIL (SEBA/ASSEB) – Vaichitryamay Assam, Chapter: মটকসকল (Motok-sokol). This chapter introduces the Motok community, one of the most ancient Tai-Mongoloid groups of Assam. The word ‘Motok’ comes from the Tai language meaning worthy, wise, and strong. Their ancestry is linked with Phukhao and Chao Fura Along, and they were among the first communities encountered by Sukapha in 1228 AD.
The Motok-sokol (Motok community) originally followed the ‘Tao’ religion, but during the 17th century, they embraced Mayamara Vaishnavism while retaining their traditional beliefs and customs. Their main livelihood was agriculture, which shaped their social, cultural, and economic identity in Assam.
Notable figures include King Sarbananda Singha, leader of the Moamoria Rebellion and founder of the Bengmara kingdom, Paban Neog, a respected teacher, sportsman, and cultural activist, and Rajkumar Lankeswar Gohain, who struggled for the recognition of Bengmara. Overall, মটকসকল (Motok-sokol) forms an important historical and cultural chapter of Class 10 Vaichitryamay Assam in Assamese MIL (SEBA/ASSEB).
SEBA Class 10 Assamese (MIL)Vaichitryamay Assam Chapter : মটকসকল (Motok-sokol) Solutions & Extra Question Answer
📖 পাঠৰ সংক্ষিপ্তসাৰ: মটকসকল
Class 10 Assamese MIL – Vaichitryamay Assam
মটকসকলক অসমৰ এটি অতি পুৰণি টাই-মংগোলীয় জনগোষ্ঠী হিচাপে বৰ্ণনা কৰা হৈছে। ‘মটক’ শব্দটো টাই ভাষাৰ পৰা আহিছে, যাৰ অৰ্থ — উপযুক্ত, জ্ঞানী, শক্তিশালী, পণ্ডিত লোক। মটকসকলৰ উৎপত্তি ‘ফুখাও’ আৰু ‘চ্যাওফুৰা আলঙ’ (কৃষি পিতৃ-পুৰুষ)-ৰ বংশৰ সৈতে জড়িত। ১২২৮ চনত চুকাফা অসমত প্ৰৱেশ কৰাৰ সময়ত প্ৰথমতে তেওঁলোকে মটকসকলক লগ পাইছিল।
তেওঁলোকৰ পৰম্পৰাগত ধৰ্ম হ’ল ‘তাও’। পিছলৈ সপ্তদশ শতিকাত তেওঁলোকে মায়ামৰা বৈষ্ণৱ ধৰ্ম গ্ৰহণ কৰিছিল, যদিও নিজৰ বহু পুৰণি ধৰ্মীয় বিশ্বাস সংৰক্ষণ কৰি ৰাখিছিল। তেওঁলোকৰ মুখ্য জীৱিকা আছিল কৃষি।
এই পাঠত কেইবাগৰাকীমান উল্লেখযোগ্য মটক ব্যক্তিৰ উল্লেখ আছে —
– মটক ৰজা সৰ্বানন্দ সিংহ, যি মোৱামৰীয়া বিদ্ৰোহৰ নেতৃত্ব দিছিল আৰু বেংমৰা ৰাজ্য প্ৰতিষ্ঠা কৰিছিল।
– পৱন নেওগ, এজন শিক্ষক, খেলুৱৈ আৰু সংগীতজ্ঞ।
– ৰাজকুমাৰ লংকেশ্বৰ গোহাঁই, যি সৰ্বানন্দ সিংহৰ পৰিনাতি আছিল আৰু বেংমৰা ৰাজ্যৰ স্বীকৃতিৰ বাবে সংগ্ৰাম কৰিছিল।
উপসংহাৰ: মটকসকল পাঠ্যখনৰ জৰিয়তে এই জনগোষ্ঠীৰ উৎপত্তি, ধৰ্ম, কৃষিজীৱন, বিদ্ৰোহ, আৰু ইতিহাসত কৰা অৱদান স্পষ্টভাৱে বুজিব পাৰি।
— From the book Vaichitryamay Assam
প্ৰশ্নাৱলীৰ সমাধান
১। মটক শব্দৰ অর্থ লিখা।
উত্তৰ: টাই ভাষাত ‘ম’ মানে শক্তিশালী, বুদ্ধিমান বা জ্ঞানী আৰু ‘টক’ মানে উপযুক্ত, জোখা, তুলাচনী, পৰীক্ষিত। অৰ্থাৎ, মটক শব্দৰ অৰ্থ হৈছে উপযুক্ত, জ্ঞানী, শক্তিশালী, পণ্ডিত লোক।
২। মটক শব্দটিৰ উৎপত্তি সম্বন্ধে লিখা।
উত্তৰ: মটক শব্দৰ উৎপত্তি ‘ফুখাও’ (Phukhao) শব্দৰ ইতিহাসৰ পৰা অহা বুলি কোৱা হয়। ফুখাও হৈছে টাইসকলৰ এটি শাখা, যাৰ অৰ্থ হৈছে ‘বগা পিন্ধা টাই’। আন এটি তথ্যমতে, কৃষি পিতৃ-পুৰুষ চ্যাওফুৰা আলঙৰ সপ্ত বংশৰ পৰাই মটকসকলৰ উৎপত্তি হৈছে।
৩। মটকসকল সাধাৰণতে কোন ধৰ্মৰ লোক?
উত্তৰ: মটকৰ পৰম্পৰাগত ধৰ্ম হৈছে তাও। সপ্তদশ শতিকাত তেওঁলোকে মায়ামৰা বৈষ্ণৱ ধৰ্ম গ্ৰহণ কৰিছিল, কিন্তু তেওঁলোকে নিজৰ পৰম্পৰাগত ধৰ্মীয় বিশ্বাসসমূহো ধৰি ৰাখিছে।
৪। মটকসকলৰ লগত মোৱামৰীয়া বিদ্ৰোহৰ সম্বন্ধৰ বিষয়ে লিখা।
উত্তৰ: মোৱামৰীয়া বিদ্ৰোহৰ সময়ত মটকসকলৰ ওপৰত ৰজাঘৰীয়া অত্যাচাৰ চলিছিল। এই সময়তে সৰ্বানন্দ সিংহই মোৱামৰীয়া বিদ্ৰোহৰ নেতৃত্ব লৈছিল। তেওঁ কাৰাগাৰৰ ভিতৰে-বাহিৰে সকলো মটকলোকৰ মনোবল বঢ়াইছিল আৰু তেওঁৰ সাংগঠনিক দক্ষতাৰ বাবে বেংমৰাত ৰাজ্য পাতি নিজকে ৰজা বুলি ঘোষণা কৰিছিল।
৫। মটক ৰাজ্যৰ উন্নতিৰ বাবে সৰ্বানন্দ সিংহই কৰা জনকল্যাণমূলক কাম-কাজসমূহৰ বিষয়ে চমুকৈ বর্ণনা কৰা।
উত্তৰ: মটক ৰাজ্যৰ উন্নতিৰ বাবে সৰ্বানন্দ সিংহই বিভিন্ন জনকল্যাণমূলক কাম হাতত লৈছিল। তেওঁ আলি-পদূলি নিৰ্মাণ কৰি যাতায়াত ব্যৱস্থাৰ উন্নতি কৰিছিল, যেনে- ৰঙাগড়া আলি, গোধা আলি, ৰাজগড় আলি, হাতীআলি আদি। প্ৰজাৰ সুবিধাৰ বাবে তেওঁ ৰাজধানীৰ ভিতৰে-বাহিৰে মুঠ চৌব্বিশটা পুখুৰী খন্দাইছিল। ইয়াৰে তিনিকোণীয়া পুখুৰীৰ নামৰ পৰাই পৰৱৰ্তী সময়ত বেংমৰা নগৰৰ নাম তিনিচুকীয়া হৈছিল।
চমুটোকা লিখা
(ক) শিক্ষাবিদ পৱন নেওগ
উত্তৰ: পৱন নেওগ এজন শিক্ষাবিদ আৰু বহুমুখী প্ৰতিভাৰ অধিকাৰী আছিল। তেওঁ ফুটবল, ভলীবল আৰু সংগীতত যথেষ্ট পাৰ্গত আছিল। তেওঁ শৰীৰ চৰ্চা প্ৰতিযোগিতাত Mr. J. B. আৰু Mr. Cottonian উপাধি লাভ কৰিছিল। তেওঁ শিক্ষকতাৰ লগতে D.S.P. পদতো নিযুক্তি পাইছিল। তেওঁ ল’ৰা-ছোৱালীক খুউব মৰম কৰিছিল আৰু বিপদত পৰা লোকক সহায় কৰিছিল।
(খ) ৰাজকুমাৰ লংকেশ্বৰ গোঁহাই
উত্তৰ: ৰাজকুমাৰ লংকেশ্বৰ গোহাঁই বেংমৰা ৰাজ্যৰ প্ৰতিষ্ঠাপক ৰজা সৰ্বানন্দ সিংহৰ পৰিনাতি আছিল। তেওঁ আনুষ্ঠানিক উচ্চ শিক্ষাৰে শিক্ষিত নাছিল যদিও এজন সাহসী, উচ্চাকাংক্ষী আৰু চিন্তাশীল ব্যক্তি আছিল। তেওঁ বেংমৰা ৰাজ্যৰ পুনৰুদ্ধাৰ আৰু সুকীয়া স্বীকৃতিৰ বাবে সংগ্ৰাম কৰিছিল। তেওঁ কাঠ, সোণ আৰু হাতীৰ ব্যৱসায়তো সুনাম অর্জন কৰিছিল। তেওঁ ব্ৰহ্মদেশ, মণিপুৰ আৰু চিকিমৰ ৰজাসকলৰ সৈতেও সু-সম্পৰ্ক ৰক্ষা কৰিছিল।
(গ) সৰ্বানন্দ সিংহ
উত্তৰ: সৰ্বানন্দ সিংহৰ পিতৃ-প্ৰদত্ত নাম আছিল মেজেৰা। তেওঁ আছিল মায়ামৰা বৈষ্ণৱ ধৰ্মৰ এজন ধৰ্মপৰায়ণ ব্যক্তি। তেওঁ মোৱামৰীয়া বিদ্ৰোহৰ নেতৃত্ব লৈ বেংমৰাত ৰাজ্য পাতি নিজকে ৰজা বুলি ঘোষণা কৰিছিল। তেওঁ নিজৰ নামত সোণ আৰু ৰূপৰ মুদ্রা প্ৰচলন কৰিছিল। মটক ৰাজ্যৰ উন্নতিৰ বাবে তেওঁ আলি-পদূলি আৰু পুখুৰী খন্দাইছিল। তিনিকোণীয়া পুখুৰীৰ নামৰ পৰাই পিছলৈ বেংমৰা নগৰখনৰ নাম তিনিচুকীয়া হৈছিল।
অতিৰিক্ত প্ৰশ্ন আৰু উত্তৰ (Extra Questions and Answers)
চমু উত্তৰৰ প্ৰশ্ন
১। চুকাফাই মটকৰ মুৰব্বীজনক কি নাম দিছিল?
উত্তৰ: চুকাফাই মটকৰ মুৰব্বীজনক ‘লানমাখু’ নাম দিছিল।
২। টাই ভাষাত ‘লানমাখু’ শব্দৰ অৰ্থ কি?
উত্তৰ: টাই ভাষাত ‘লানমাখু’ শব্দৰ অৰ্থ হৈছে ‘বেঙেনাৰ নাতি’।
৩। মটকৰ পৰম্পৰাগত ধৰ্ম কি?
উত্তৰ: মটকসকলৰ পৰম্পৰাগত ধৰ্ম হৈছে তাও।
৪। মটক ৰজা সৰ্বানন্দ সিংহৰ পিতৃ-প্ৰদত্ত নাম কি আছিল?
উত্তৰ: মটক ৰজা সৰ্বানন্দ সিংহৰ পিতৃ-প্ৰদত্ত নাম আছিল ‘মেজেৰা’।
৫। মটক ৰাজ্যৰ ৰাজধানী ক’ত আছিল?
উত্তৰ: সৰ্বানন্দ সিংহই প্রথমে ৰঙাগড়াত ৰাজধানী স্থাপন কৰিছিল আৰু পিছত বেংমৰা অৰ্থাৎ বৰ্তমানৰ তিনিচুকীয়ালৈ স্থানান্তৰিত কৰিছিল।
৬। পৱন নেওগে কোনটো প্ৰতিযোগিতাত ‘Mr. J. B.’ উপাধি লাভ কৰিছিল?
উত্তৰ: পৱন নেওগে ১৯৫৫ চনত পেশী সঞ্চালন বিভাগৰ প্ৰতিযোগিতাত ‘Mr. J. B.’ উপাধি লাভ কৰিছিল।
৭। সৰ্বানন্দ সিংহই নিজৰ নামত কি কি মুদ্ৰা প্ৰচলন কৰিছিল?
উত্তৰ: সৰ্বানন্দ সিংহই নিজৰ নামত সোণ আৰু ৰূপৰ মুদ্রা প্ৰচলন কৰিছিল।
৮। ৰাজকুমাৰ লংকেশ্বৰ গোহাঁই কি কি ব্যৱসায়ৰ লগত জড়িত আছিল?
উত্তৰ: ৰাজকুমাৰ লংকেশ্বৰ গোহাঁই কাঠ, সোণ আৰু হাতীৰ ব্যৱসায়ৰ লগত জড়িত আছিল।
৯। ‘ফুখাও’ শব্দৰ অৰ্থ কি?
উত্তৰ: টাই ভাষাত ‘ফু’ মানে গৰাকী বা সন্মানীয় মানবিশিষ্ট মানুহ আৰু ‘খাও’ মানে বগা।
১০। মটক ৰাজ্যৰ উন্নতিৰ বাবে সৰ্বানন্দ সিংহই কিমানটা পুখুৰী খন্দাইছিল?
উত্তৰ: সৰ্বানন্দ সিংহই ৰাজধানীৰ ভিতৰে-বাহিৰে মুঠ চৌব্বিশটা পুখুৰী খন্দাইছিল।
দীঘল উত্তৰৰ প্ৰশ্ন
১। মটক জনগোষ্ঠীৰ উৎপত্তিৰ ইতিহাস আৰু টাই জনগোষ্ঠীৰ লগত তেওঁলোকৰ সম্বন্ধৰ বিষয়ে লিখা।
উত্তৰ: মটকসকল টাই-মংগোলীয় জনগোষ্ঠীৰ লোক। তেওঁলোকৰ উৎপত্তিৰ ইতিহাস ‘ফুখাও’ (Phukhao) শব্দৰ লগত জড়িত। ফুখাও হৈছে টাইৰ এটি শাখা, যাৰ অৰ্থ হৈছে ‘বগা পিন্ধা টাই’। আহোম বুৰঞ্জী অনুসৰি ফুখাওসকল গুটি সিঁচা বা শস্য সিঁচা মূলৰ পৰা উৎপত্তি হৈছে। আন এটি তথ্যমতে, কৃষি পিতৃ-পুৰুষ চ্যাওফুৰা আলঙৰ সপ্তম বংশৰ পৰাই মটকসকলৰ উৎপত্তি হৈছে। এই ফুখাওসকলক চীন দেশৰ লাও ৰাজ্যত বসবাস কৰাৰ বাবে লাও বুলিও কোৱা হয়।
২। সৰ্বানন্দ সিংহৰ ৰাজত্বকাল আৰু তেওঁৰ অৱদানসমূহৰ বিষয়ে আলোচনা কৰা।
উত্তৰ: সৰ্বানন্দ সিংহৰ পিতৃ-প্ৰদত্ত নাম আছিল ‘মেজেৰা’। তেওঁ মোৱামৰীয়া বিদ্ৰোহৰ নেতৃত্ব লৈছিল আৰু ১৭৮৮ চনত বেংমৰাত ৰাজ্য পাতি নিজকে ৰজা বুলি ঘোষণা কৰিছিল। তেওঁ টাই পৰম্পৰা অনুসৰি ‘স্বৰ্গদেউ’ উপাধি গ্ৰহণ কৰিছিল আৰু নিজৰ নামত সোণ আৰু ৰূপৰ মুদ্রা প্ৰচলন কৰিছিল। ৰাজ্যৰ উন্নতিৰ বাবে তেওঁ আলি-পদূলি নিৰ্মাণ কৰাইছিল, যেনে- ৰঙাগড়া আলি, গোধা আলি, ৰাজগড় আলি আৰু হাতীআলি। তেওঁ প্ৰজাৰ সুবিধাৰ বাবে চৌব্বিশটা পুখুৰীও খন্দাইছিল। তেওঁৰ খন্দোৱা তিনিকোণীয়া পুখুৰীৰ নাম অনুসাৰে পৰৱৰ্তী সময়ত বেংমৰা নগৰৰ নাম তিনিচুকীয়া হৈছিল।
৩। পৱন নেওগৰ জীৱন আৰু বহুমুখী প্ৰতিভাৰ বিষয়ে লিখা।
উত্তৰ: পৱন নেওগ এজন শিক্ষাবিদ, খেলুৱৈ আৰু সংগীতজ্ঞ হিচাপে বহুমুখী প্ৰতিভাৰ অধিকাৰী আছিল। তেওঁ বিশেষকৈ ফুটবল আৰু ভলীবল খেলত সুনাম অর্জন কৰিছিল। তেওঁ শৰীৰ চৰ্চা প্ৰতিযোগিতাত কৃতিত্ব দেখুৱাই Mr. J. B. আৰু Mr. Cottonian উপাধি লাভ কৰিছিল। যদিও তেওঁ D.S.P. পদত নিযুক্তি পাইছিল, শিক্ষকতা বাদ দিব নোৱাৰিছিল। তেওঁৰ মনোবল আৰু সাহস অপৰিসীম আছিল। তেওঁ ছাত্ৰ-ছাত্ৰীক আৰু বিপদত পৰা লোকক মৰম কৰিছিল আৰু সহায় কৰিছিল।
৪। ৰাজকুমাৰ লংকেশ্বৰ গোহাঁইৰ জীৱন আৰু তেওঁৰ সংগ্ৰামৰ বিষয়ে আলোচনা কৰা।
উত্তৰ: ৰাজকুমাৰ লংকেশ্বৰ গোহাঁই মটক ৰজা সৰ্বানন্দ সিংহৰ পৰিনাতি আছিল। তেওঁ আনুষ্ঠানিক উচ্চ শিক্ষাৰে শিক্ষিত নাছিল, কিন্তু এজন সাহসী আৰু চিন্তাশীল ব্যক্তি আছিল। তেওঁৰ মূল লক্ষ্য আছিল দেশ স্বাধীন হোৱাৰ পূৰ্বৰে পৰা বেংমৰা ৰাজ্যৰ পুনৰুদ্ধাৰ আৰু সুকীয়া স্বীকৃতিৰ বাবে দাবী উত্থাপন কৰা। তেওঁ থলুৱা জাতি-জনগোষ্ঠীৰ ভূমি অধিকাৰ আৰু ৰাজনৈতিক অধিকাৰ সুৰক্ষিত ৰখাৰ স্বাৰ্থত এই সংগ্ৰাম কৰিছিল। তেওঁ কাঠ, সোণ আৰু হাতীৰ ব্যৱসায় কৰিছিল আৰু ব্ৰহ্মদেশ, মণিপুৰ আৰু চিকিমৰ দৰে ৰাজ্যৰ ৰজাসকলৰ সৈতেও সু-সম্পৰ্ক ৰক্ষা কৰিছিল।
৫। মটকসকলৰ ধৰ্মীয় বিশ্বাস আৰু ইয়াৰ পৰিৱৰ্তনৰ বিষয়ে লিখা।
উত্তৰ: মটকসকলৰ পৰম্পৰাগত ধৰ্ম আছিল তাও। তেওঁলোকে প্ৰকৃতি জগতৰ দেৱতা, উপৰি পুৰুষ-মিতুক দেৱতা, জগত মাতৃ আই, লক্ষ্মী আই আদি বিভিন্ন দেৱতাক বিশ্বাস কৰিছিল। সপ্তদশ শতিকাত তেওঁলোকে মায়ামৰা বৈষ্ণৱ ধৰ্মৰ প্ৰৱৰ্তক অনিৰুদ্ধদেৱৰ শিষ্য হৈ এই ধৰ্ম গ্ৰহণ কৰিছিল। কিন্তু এই ধৰ্ম গ্ৰহণ কৰাৰ পিছতো তেওঁলোকে নিজৰ পৰম্পৰাগত বিশ্বাসসমূহৰ এক মিশ্ৰিত ৰূপ ধৰি ৰাখিছিল।
৬। মটক ৰজা সৰ্বানন্দ সিংহৰ ৰাজত্বকালত হোৱা উন্নয়নমূলক কাম-কাজসমূহৰ বিষয়ে আলোচনা কৰা।
উত্তৰ: সৰ্বানন্দ সিংহই তেওঁৰ ৰাজ্যৰ উন্নতিৰ বাবে বহুতো জনকল্যাণমূলক কাম কৰিছিল। তেওঁ যাতায়াতৰ উন্নতিৰ বাবে ৰঙাগড়া আলি, গোধা আলি, ৰাজগড় আলি আৰু হাতীআলিৰ দৰে আলি বন্ধোৱাইছিল। তেওঁ প্ৰজাৰ সুবিধাৰ বাবে ৰাজধানীৰ বাহিৰে-ভিতৰে মুঠ চৌব্বিশটা পুখুৰী খন্দাইছিল, যাৰ ভিতৰত বেংমৰা পুখুৰী, তিনিকোণীয়া পুখুৰী আৰু দেৱী পুখুৰী আছিল। তেওঁ নিজৰ ৰাজ্যতে অস্ত্ৰ-শস্ত্ৰ নিৰ্মাণ কৰিছিল আৰু নিজৰ নামত সোণ আৰু ৰূপৰ মুদ্রা প্ৰচলন কৰিছিল।
৭। পৱন নেওগে লাভ কৰা সন্মান আৰু তেওঁৰ ব্যক্তিত্বৰ বিষয়ে লিখা।
উত্তৰ: পৱন নেওগ এজন বহুমুখী প্ৰতিভাৰ অধিকাৰী আছিল আৰু তেওঁৰ বহুমুখী প্ৰতিভাৰ বাবে তেওঁ বিভিন্ন সন্মান লাভ কৰিছিল। তেওঁ ১৯৫৫ চনত পেশী সঞ্চালন বিভাগৰ প্ৰতিযোগিতাত কৃতিত্ব দেখুৱাই Mr. J. B. উপাধি লাভ কৰিছিল। পিছত তেওঁক Mr. Cottonian উপাধি প্ৰদান কৰা হৈছিল। তেওঁক ১৯৫৭ চনত Mr. Guwahati University উপাধিৰে পুৰস্কৃত কৰা হৈছিল। তেওঁৰ মনোবল আৰু সাহস অপৰিসীম আছিল।
৮। ৰাজকুমাৰ লংকেশ্বৰ গোহাঁইৰ ব্যৱসায়িক কাম আৰু তেওঁৰ সামাজিক সম্পৰ্কৰ বিষয়ে আলোচনা কৰা।
উত্তৰ: ৰাজকুমাৰ লংকেশ্বৰ গোহাঁই এজন সফল ব্যৱসায়ী আছিল। তেওঁ অৰুণাচল প্ৰদেশৰ মহাদেৱপুৰত কাঠৰ মিল খুলি কাঠৰ যোগান ধৰিছিল। কাঠৰ উপৰিও তেওঁ সোণ আৰু হাতীৰ ব্যৱসায়তো সুনাম অর্জন কৰিছিল। তেওঁ ব্ৰহ্মদেশ, মণিপুৰ, চিকিম, নগালেণ্ড, মেঘালয় আদি অঞ্চলৰ ৰজা আৰু সমাজকৰ্মীসকলৰ সৈতে অতি মধুৰ সম্পৰ্ক ৰক্ষা কৰি চলিছিল।
৯। চুকাফা আৰু মটকসকলৰ মাজৰ ঐতিহাসিক সংযোগ কি আছিল?
উত্তৰ: ১২২৮ খ্ৰীষ্টাব্দত চুকাফাই অসমত প্ৰৱেশ কৰাৰ সময়ত প্ৰথমতে মটকসকলক লগ পাইছিল। চুকাফাই তিপামত লগ পোৱা মটকৰ মুৰব্বীজনৰ সহায়ত নগাসকলক পৰাস্ত কৰিছিল। এই মটক মুৰব্বীজনে ৰজাক প্ৰচুৰ পৰিমাণে বেঙেনা যোগান ধৰিছিল, যাৰ বাবে তেওঁক ‘লানমাখু’ বা ‘বেঙেনাৰ নাতি’ বুলি নাম দিছিল। এই ঘটনাৰ পৰা চুকাফা আৰু মটকসকলৰ মাজৰ এক ঐতিহাসিক সংযোগৰ কথা জনা যায়।
১০। মটকসকলৰ ধৰ্মীয় পৰিৱৰ্তনৰ বিষয়ে লিখা।
উত্তৰ: মটকসকলৰ পৰম্পৰাগত ধৰ্ম আছিল ‘তাও’, য’ত তেওঁলোকে প্ৰকৃতি জগতৰ গাঁঠিয়াল দেৱতাৰ পূজা কৰিছিল। সপ্তদশ শতিকাত তেওঁলোকে কাল সংহতিৰ প্ৰৱৰ্তক গোপালদেৱৰ শিষ্য অনিৰুদ্ধদেৱে প্ৰচাৰ কৰা মায়ামৰা বৈষ্ণৱ ধৰ্ম গ্ৰহণ কৰিছিল। কিন্তু এই নতুন ধৰ্ম গ্ৰহণ কৰাৰ পিছতো তেওঁলোকে নিজৰ পৰম্পৰাগত ধৰ্মীয় বিশ্বাসসমূহ সম্পূর্ণভাৱে পৰিত্যাগ কৰা নাছিল আৰু এক মিশ্ৰিত ৰূপত পালন কৰিছিল।
🎓 About Assam Eduverse
This solution is prepare by Assam Eduverse – your reliable educational hub for academic content, study materials, and exam preparation for Assam Board and other state-level exams. Follow Assam Eduverse for accurate, exam-ready NCERT solutions, notes, MCQs, and free study materials.