SEBA Class 10 Assamese Chapter হাজংসকল প্রশ্ন আৰু উত্তৰ Solutions | Vaichitryamay Assam

প্ৰশ্নাৱলীৰ সমাধান

১। হাজংসকল কোন জনগোষ্ঠীৰ লোক?
উত্তৰ: হাজংসকল ইণ্ডো-মঙ্গোলীয় জনগোষ্ঠীৰ লোক।

২। হাজংসকলক পার্বত্য স্বায়ত্তশাসিত জিলাবোৰত কেতিয়া অনুসূচীত জনজাতি হিচাপে স্বীকৃতি দিছিল?
উত্তৰ: ভাৰতৰ সংবিধানৰ ১৯৫০ চনত আইন অনুসৰি হাজংসকলক অবিভক্ত অসমৰ পার্বত্য স্বায়ত্তশাসিত জিলাবোৰতহে অনুসূচীত জনজাতি হিচাপে স্বীকৃতি দিছিল।

৩। বৰ্তমান হাজংসকল অসমৰ প্ৰধানতঃ কোন কোন জিলাত বসবাস কৰি আছে?
উত্তৰ: বৰ্তমান হাজংসকল অসমৰ গোৱালপাৰা, ধুবুৰী, কামৰূপ, বাস্কা, ওদালগুৰি, চিৰাং, দৰং, লখিমপুৰ, ধেমাজী, নগাঁও আদি জিলাত সিঁচৰতি হৈ বসবাস কৰি আছে।

৪। হাজংসকলৰ মূল জীৱিকা কি?
উত্তৰ: হাজংসকলৰ মূল জীৱিকা হ’ল কৃষি।

৫। বাস্তুদেও পূজা কেতিয়া অনুষ্ঠিত কৰে?
উত্তৰ: হাজংসকলে বহাগ মাহত বৈইশ বা বাস্তুদেও পূজা অনুষ্ঠিত কৰে।

৬। হাজং সমাজত কাছৰি ঘৰৰ তাৎপর্য কি?
উত্তৰ: হাজং সমাজত কাছৰি ঘৰ বা বাট চ’ৰা ঘৰটো আচলতে ডেকাচাং আছিল। গাঁৱৰ অবিবাহিত ডেকাসকলে ইয়াত নিশা শুইছিল। ইয়াৰ উপৰিও, গাঁৱলৈ অহা পুৰুষ আলহী-অতিথিক এই কাছৰি ঘৰতহে ৰাতি থকিবলৈ দিয়া হয়।

অতিৰিক্ত প্ৰশ্ন আৰু উত্তৰ (Extra Questions and Answers)

১। হাজং মহিলাসকলে পিন্ধা ৰঙীন কাপোৰখনৰ নাম কি?
উত্তৰ: ‘ৰাঙা পাটিন’।

২। হাজং সমাজত কিমান প্ৰকাৰৰ বিবাহ সম্পন্ন হয়?
উত্তৰ: হাজং সমাজত চাৰি প্ৰকাৰত বিবাহ সম্পন্ন হয়।

৩। হাজংসকলৰ প্ৰধান দেৱতা কোন?
উত্তৰ: বৈইশ বা বাস্তুদেও।

৪। কাতি গাছা কি?
উত্তৰ: কঙালী বিহুত ঔ খোলেৰে ধাননি পথাৰত চাকি জ্বলোৱা এক লোকাচাৰ।

৫। হাজং পুৰুষে কঁকালত পিন্ধা আঠুমূৰীয়া চুৰিয়াখনৰ নাম কি?
উত্তৰ: ‘ভেঝা নিংটি’।

৬। ‘চ’ৰমাগা’ বা ‘চৰ খেলা’ উৎসৱ কিহৰ লগত জড়িত?
উত্তৰ: ডেকাসকলে ঢোল, দোতোৰা আদি বাদ্যৰে দল বান্ধি ঘৰে ঘৰে নৃত্য-গীত গাই মাগি ফুৰা উৎসৱ।

৭। হাজংসকলে ব্যৱহাৰ কৰা পৰম্পৰাগত তাঁত যন্ত্ৰৰ নাম কি?
উত্তৰ: ‘বানা’।

৮। হাজং সমাজত দুটা ধৰ্মীয় শ্ৰেণী কি কি?
উত্তৰ: হাজং শাক্ত আৰু খাটল (বৈষ্ণৱ)।

৯। ‘ভিংপোৰা’ কি?
উত্তৰ: কাক’ বাঁহৰ চুঙাত বনোৱা বৰা চাউলৰ ভাত।

১০। হাজং ভাষা কোন ভাষাগোষ্ঠীৰ অন্তৰ্গত?
উত্তৰ: তিব্বত-বর্মীয় ভাষা-পৰিয়ালৰ বড়ো শাখাৰ অন্তৰ্গত।

দীঘল উত্তৰৰ প্ৰশ্ন

১। হাজং জনগোষ্ঠীৰ নামকৰণৰ বিষয়ে বিভিন্ন মতবাদসমূহ আলোচনা কৰা।
উত্তৰ: হাজং নামৰ উৎপত্তি সন্দৰ্ভত তিনিটা মত আছে—

• প্ৰথম মত অনুসৰি, হাজংসকল তিব্বতৰ পৰা আহি কোচবিহাৰৰ উত্তৰৰ ভূটান সীমান্তৰ ‘হাজং’ নামৰ অঞ্চলত কেইবা শতিকা বসবাস কৰিছিল, সেইবাবে তেওঁলোকৰ নাম হাজং হয়।
• দ্বিতীয় মত অনুসৰি, হাজংসকলৰ পূৰ্বপুৰুষজনৰ নাম আছিল হাজো, আৰু তেওঁৰ বংশৰ লোক হিচাপে হাজং নাম হয়।
• তৃতীয় মত অনুসৰি, গাৰো ভাষাৰ ‘হা’ (মাটি) আৰু ‘জং’ (পোক) শব্দৰ পৰা হাজং নামকৰণ। গাৰোসকলে হাজংসকলক এই নাম দিছিল কাৰণ তেওঁলোকে বোকা-পানীৰে খেতি কৰিছিল।

২। হাজং সমাজৰ ঘৰ-বাৰীৰ গাঁথনি আৰু ইয়াৰ গুৰুত্ব।
উত্তৰ: হাজংসকলৰ ঘৰ মুকলিমূৰীয়া, মাজত চোতাল আৰু চাৰিওফালে ঘৰ থাকে। আদৰ্শ হাজং ঘৰত থাকে—

• মাইজৈ ঘৰ (বৰ ঘৰ)
• চাংঘৰ (ভঁৰাল)
• আলি ঘৰ (ৰান্ধনি ঘৰ)
• গুলি ঘৰ (গোহালি)
  বিশেষ বৈশিষ্ট্য হৈছে কাছৰি ঘৰ, যি ডেকাচাং হিচাপে ব্যৱহাৰ হোৱাত আলহী-অতিথিও তাত থাকিছিল।

৩। হাজংসকলৰ সাজ-পাৰ আৰু অলংকাৰ।
উত্তৰ: হাজং মহিলাই ‘ৰাঙা পাটিন’ কাপোৰ পিন্ধে, পুৰুষসকলে ‘ভেঝা নিংটি’ আৰু ‘বুকছলি’ (চোলা) পিন্ধে।
অলংকাৰত আছে: কাণত কৰমফুল, নাকত নলছ, নাকফুল, গলাত চিকিছৰা, হাৰমালা, হাছুলী, বাহুত কাটাবাজু, হাতত বয়লা, শাঁকা, ভৰিত বাক, গুঞ্জৰী, ঠেংপাতা, আঙুলিত আঙঠি।

৪। হাজং সমাজৰ ধৰ্মীয় বিশ্বাস আৰু শ্ৰেণী।
উত্তৰ: হাজংসকল প্ৰকৃতিৰ অপায়-অমঙ্গল নিবারণৰ বাবে বৈইশ বা বাস্তুদেওক পূজা কৰে। ধৰ্মীয় দিশত হাজং সমাজ দুটা শ্ৰেণীত বিভক্ত—
১) হাজং শাক্ত → মাছ-মাংস, মদ আদি গ্ৰহণ কৰে।
২) খাটল (বৈষ্ণৱ) → শুদ্ধাচাৰী আৰু বৈষ্ণৱ ধৰ্ম মানে।

৫। হাজংসকলৰ কৃষিভিত্তিক উৎসৱ আৰু লোকাচাৰ।
উত্তৰ: হাজং উৎসৱবোৰ কৃষিৰ সৈতে জড়িত।

• গুচি পুতা (ন গচি দিয়া)
• আগ আনা (প্ৰথম ধান কটা)
• নয়া খোৱা (ন ভাত খোৱা)
• কাতি গাছা (ধাননি পথাৰত চাকি জ্বলোৱা)
• সঙৰাণি (ৰঙালী বিহু)— গৰু ধোৱাই, কৃষি সঁজুলি ধুই-পখালি কৰা।
• চৰ খেলা (চ’ৰমাগা)— শৰতৰ শেষত এক সপ্তাহীয়া উৎসৱ।

৬। হাজং সমাজত প্ৰচলিত বিবাহৰ পদ্ধতি।
উত্তৰ: হাজং সমাজত চাৰি প্ৰকাৰৰ বিবাহ—
১) সামাজিক বিয়া (চাই-মেলি কৰা)
২) দায় পৰা/ঠেংপাংৰানি (বাধ্যত বিয়া)
৩) মনামনি (প্ৰেমৰ বিয়া)
৪) হাঙা বা সাঙা (বিধবা-বৰলাৰ বিয়া)

৭। হাজং জনগোষ্ঠীৰ ভৌগোলিক সীমা।
উত্তৰ: হাজংসকলে পুৰণি অসমত চাৰিখন সীমা ধৰি বসবাস কৰিছিল—

• উত্তৰত: শুৱাৰকোনা (গোৱালপাৰা)
• পূবত: জামকোনা (ছিলেট)
• দক্ষিণত: জংকোনা (ময়মনসিংহ)
• পশ্চিমত: মৰকোনা (মানকাচাৰ)

৮। হাজংসকলৰ খাদ্যভাস।
উত্তৰ: হাজংসকল ভোজনবিলাসী আৰু আমিষাহাৰী। প্ৰিয় খাদ্য: বাঁহগাজ, কচু, হিদুল, শাক-পাতৰ শকুতা। বিশেষ খাদ্য:

• লেবা-শাক
• বিচি ভাত
• বুকনি ভাত
• ভিংপোৰা

৯। হাজং সমাজৰ সামাজিক বান্ধোন।
উত্তৰ: হাজং সমাজত তিনিটা পৰম্পৰাগত বান্ধোন আছে—
১) গাঁও গিয়াতি (গাঁওৰ মুৰব্বীৰ দ্বাৰা মীমাংসা)
২) পাঁচ গিয়াতি (পাঁচ মুৰব্বীৰ মেল)
৩) জোৱাৰ/চাক্কা (জটিল সমস্যাৰ মেল)

১০। হাজং ভাষাৰ বিষয়ে আলোচনা।
উত্তৰ: হাজং ভাষা তিব্বত-বর্মীয় পৰিয়ালৰ বড়ো শাখাৰ অন্তৰ্গত। ইয়াৰ নিজৰ বৈশিষ্ট্যপূৰ্ণ শব্দভাণ্ডাৰ, খণ্ডবাক্য আৰু যোজনা আছে। বৰ্তমান কামৰূপী আৰু গোৱালপৰীয়া উপভাষাৰ প্ৰভাৱ পৰিছে।